網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月17日 星期三

[FACE - 395] 真正視帝視后 亞太區最受歡迎係佢哋 MF,




全知言

真正視帝視后 亞太區最受歡迎係佢哋

每年例行公事,大台小圈子帝視后選舉又嚟話就話玩全民公投,不過實情係入閘人選又係嗰幾個,想投畀金秀賢?冇入圍喎!

本刊上星期問過多位明星兼做過小民調,發現佘詩曼真係最多人撐,至於男星,梗係金秀賢大戰金宇彬







關淑怡愛全智賢

《柏林諜變》

我比較欣賞嘅一個韓國男星就喺河正宇,佢係一個性格演員。至於印象最深刻一部戲《柏林諜變》,女主角就係全智賢,熟悉佢其實都係因為《來自星星的你》,而佢未拍《星星》之前,我都有睇過佢另一部戲,好似叫《偉大的隱藏者》,所以當睇《星星》時就覺得佢好熟口面,後來先知佢拍過呢部戲。

陳志雲愛阿佘

自己好鍾意黎耀祥,你今日見到佢好風光,但其實二、三線佢都有做過,呢種精神好值得學習。至於佘詩曼嘅第一套劇真係好難睇!但係佢好勤力、好投入,所以進步好快,雖然聲線比較薄弱,不過𠵱家就做得好好,角色掌控亦都係出神入化!

佘詩曼

黎耀祥

雨僑投韓仔

視帝我會揀我嘅金宇彬 BB!因為之前睇《繼承者們》,我都係喪追,直頭去到想去機場接機嘅程度!至於視后,我都幾鍾意睇香港嘅女人劇,好似以前嘅《金枝慾孽》,而佘詩曼就係我好鍾意嘅演員,見到佢就會覺得喺電視 icon,所以視后就會揀阿佘。

金宇彬

佘詩曼

徐淑敏支持《星星》

我心目中嘅亞太區視帝視后,女嘅就一定會揀全智賢,因為睇完《星星》之後,就被佢嘅氣質深深吸引住,加上佢演技又揮洒自如。至於視帝就會係金秀賢,因為佢嗰種 charm係令你不斷被佢嘅眼球吸引住!

全智賢

金秀賢

方力申撐朋友

視后係佘詩曼,視帝就係郭晉安。佢哋嘅劇我有睇,加上又係大熱,阿佘同我合作過,係好好嘅朋友,攞獎除咗要有演技,角色仲要多人睇,而阿佘就可以做到好戲,接觸層面又廣。至於安仔嘅角色變化好大,又好人又壞人,好難去演,加上又係識得,朋友冇理由唔撐自己友㗎!

佘詩曼

郭晉安

街坊偏愛李心潔

同樣喺娛圈搵食,點都要畀番啲薄面,反而街坊嘅心水人物先至最反映到民意!普遍街訪仲對港視嘅李心潔、廖啟智同林嘉華有好高評價,講到尾,幾時先有新電視台呢?

李心潔

廖啟智

Fly

我覺得視后就係萬綺雯,因為覺得佢表現好自然!至於視帝,我就覺得係林嘉華,佢過咗港視拍《警界線》,覺得佢真係好有真材實料,拍戲好有深度!

Yiu

我心目中視后係佘詩曼,因為佢從演以來,《十月初五的月光》就已經開始睇佢,佢好有戲,加上咁耐都未攞過視后,我覺得都應該畀佢攞吓!

Fafa

我最鍾意嘅視后係李心潔,自己睇咗四集《選戰》,佢可以用一個電影方式去演繹電視劇,覺得好特別,加上有一種純潔嘅感覺,覺得幾得意。至於視帝,我就會揀智叔,畀到我一個新鮮感同衝擊感。

即時報料

有料、有相、有片即刻 send?

熱線: 9222 0828

電郵:mailto:facenews@nextmedia.com

facebook: facemagazine inbox

line、 we chat id: facemagazine



鍾意就快D Share啦!