網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月24日 星期三

[FACE - 396] 肌鴨 離亞視 大發圍 姜皓文操肌做鴨扮古仔 姜皓文,古天樂,古仔,亞視,MF,




黑仔為新戲《 12金鴨》角色而去減磅,身型弗爆之餘,連外形同古仔都有幾分相似添!

真面目

肌鴨 離亞視 大發圍 姜皓文操肌做鴨扮古仔

吳君如嘅《金雞 SSS》去年票房收 4千幾萬勁和味,今年再開新戲《 12金鴨》,同樣擔正兼做埋其中一隻「鴨」!

新戲一如以往,每隻「鴨」嘅角色造型都保持神秘,不過本刊發現其中一隻鴨仔姜皓文(黑仔),為配合角色需要節食操肌,仲極速一個月就搣走 30磅肥膏,驟眼睇似足古仔㗎!而黑仔都大方承認,「今次係做一隻非一般嘅鴨,仲減咗 30磅!」







亞視出身嘅黑仔,今次終於唔黑仔,亞視欠薪前大半年已經滿約,仲轉向影壇大展拳腳,接戲接到手軟, 9片輪住出街,仲被吳君如𥄫中,招攬做新戲《 12金鴨》其中一隻鴨仔, 48歲黑仔搏到盡,用咗一個月時間就減走 30磅脂肪,遠睇似古仔添喎!

亞視冇拖糧

新戲《 12金鴨》,吳君如反串做鴨,造型似足俞琤;而其他鴨仔選角和造型,吳君如都落足心機挑選,好似 BabyJohn蔡瀚億就扮韓鴨、劉浩龍就係秘撈金融嘅貪錢鴨,而黑仔就日頭喺地盤做咕哩,夜晚先變身嘅大隻鴨。

黑仔明顯有操過,特登節食操肌,成功減走 30磅,加上天生黑黑實實,同古仔有幾分似喎!黑仔說:「從影以來都未試過嘅角色,今次係做一隻非一般嘅鴨,唔係普通嘅鴨。(要減磅?) 9月 1號開始減,到 10月頭已經減咗 30磅,日日做兩個鐘嘅運動,如果嗰日要開工就會喺屋企舉半個鐘啞鈴,頭個半月戒晒油鹽糖。(亞視有冇拖糧?)離開咗喇,以前冇呢啲問題,覺得好可惜。」

吳君如監製兼主演嘅新戲《 12金鴨》,今次反串扮「鴨」,又裝假喉核又黐鬚根,加埋一排排特技化妝而成嘅假朱古力腹肌,扮男人冇難度!

上週三( 17日),本刊撞見《 12金鴨》拍外景,估唔到吳君如着起西裝扮男人都有型有款喎!

黑仔最後一次亮相亞視已經係 2年前嘅「亞洲小姐」,對於亞視拖糧一事,黑仔就話:「好可惜!」網上圖片

瘦咗 30磅

黑仔每日都要做兩個鐘運動,少啲毅力都唔掂。

除咗去健身室操肌,黑仔仲會係屋企加操,完全冇偷懶㗎!網上圖片

黑仔私底下好鍾意食嘢,不過減肥期間,每日就只係食蕃薯同齋啡做早餐,認真慘慘豬。網上圖片

黑仔扮嘢有一手,之前在《香港亂噏》中都扮過唔少經典人物,呢個長毛造型當時都好受歡迎㗎!

黑仔今年影壇嘅產量勁豐富,最近又接拍寰亞新戲《樹大招風》。

下月上映的新戲《小姐誘心》中,黑仔已經榮升第二男主角,仲同 Jeana何佩瑜有激咀戲份。網上圖片

網上圖片

做隻出色的鴨仔

要成功做一隻出眾嘅「鴨」,又唔一定要樣靚身材正嘅!樣貌都係其次,講到尾識得冧人先係最緊要!

吳君如扮男人做鴨都有型有款,完全唔輸蝕畀身邊一班 model。

蘇施黃

平時講嘢粗聲大氣,叫佢扮鴨,唔使好似君如咁化個男人妝對阿蘇來說, easy job

白健恩

被本刊撞破喺天水圍某酒店涉做基鴨,搵白健恩演鴨仔,仲唔夠話題咩!

胡兵

被影過同 Edison老竇陳澤民撐枱腳,之後仲傳出斷背疑雲,冧仔都有一手,做鴨啱晒

林盛斌

邊個話肥佬唔可以做「鴨」㗎?其實 Bob都有潛質,識搞氣氛已經好足夠!

周永康、岑敖暉

「 hehe」男神,進軍銀幕做隻抗爭的鴨仔,夠晒爆呀!



鍾意就快D Share啦!