熱爆娛樂: [FACE - 397] 藏身之所　周永恒要睇精神科　阿 Yu搬竇避騷擾周永恒,MF,

2014年12月31日星期三

[FACE - 397] 藏身之所　周永恒要睇精神科　阿 Yu搬竇避騷擾周永恒,MF,

為避躁狂周永恒，阿 Yu帶住兩個女搬來搬去，最近終於搬到市區一屋苑內暫住。 32歲阿 Yu，睇見佢一手推住細女，又要睇住大女，真係戥佢辛苦。

真面目

藏身之所　周永恒要睇精神科　阿 Yu搬竇避騷擾

世紀賤夫周永恒，早前為對老婆趙頌茹（阿 Yu）施家暴應訊，襲擊罪成的他被法官直斥有暴力傾向，案件將於下月 30日判刑。

周永恒躁狂失控，一心脫離賤夫魔掌的阿 Yu，曾由天水圍搬去屯門，但一樣被周永恒上門騷擾。本刊發現，阿 Yu為避周永恒，最近索性遷離新界，帶住兩個女先暫住太古城朋友屋企，然後將再搬到市區屋苑。阿 Yu搬來搬去，都是因為想同狂躁周永恒保持距離。據知周永恒現正睇精神科醫生，都係避遠啲好！

其他影片：>>匿藏市區屋苑　阿 Yu買餸湊女一腳踢

自爆出對阿 Yu施家暴後，周永恒情緒失控，不只走去阿 Yu外家搞事，又大鬧醫院，做足大龍鳳。

本月 19日，周永恒到法院應訊，被控襲擊罪成的他被法官直斥 EQ差兼且有暴力傾向，目前正等候感化官報告，下月 30日將有判決結果。

融入師奶生活

周永恒襲擊案仍未完結，但最近阿 Yu已提早行動，帶住兩個女逃離周永恒魔掌。有說阿 Yu早前先帶住兩個女搬去朋友位於太古城的寓所暫住，最近再搬到市區屋苑暫住。

週日（ 28日）下午，本刊發現阿 Yu帶住兩個女在屋苑內出現，當日薄施脂粉的阿 Yu先與囡囡一齊去凍肉鋪買凍肉，之後再入麥當勞買雪糕氹囡囡。不過記者目擊，一個女人湊住兩個女的阿 Yu也非常辛苦，帶着兩個女入去街市買菜，阿 Yu先安置囡囡在菜檔附近的空位，然後自己 1人上前揀菜，還不斷講價， 32歲的阿 Yu已融入師奶生活。據知，已申請跟周永恒分居的阿 Yu，正等待兩年的分居期過後便自動離婚，到時一天光晒。本刊早前在活動上問阿 Yu有關周永恒近況時，阿 Yu表示：「唔知道喎，剩係知道之前警方話同佢落口供，但之前精神唔好，未落得住。」

揀凍肉

頂硬上照顧兩個女嘅阿 Yu，為慳錢寧願自己買餸煮飯。上週四（ 28日）阿 Yu喺屋苑內嘅凍肉鋪精明揀選又平又靚凍肉。

買平菜

已融入單親媽咪生活嘅阿 Yu，入去街市買菜時，一樣揀時令菜先買。期間一直望住旁邊嘅囡囡會唔會走失，做阿媽真係好大責任。

歎咖啡

又要湊女又要買餸，途中阿 Yu走入老麥買番杯咖啡慰勞自己。屋苑內其實有星巴克，但阿 Yu都係揀平啲嘅老麥去幫襯。

與 Ruby仍有激照

阿 Yu對周永恒避得就避，據知周永恒與小三 Ruby（劉依靜）亦面臨分手危機。有指有鋪動粗癮的周永恒，近排將全部失控的狂躁情緒發洩到 Ruby身上，令 Ruby頂唔順好想分手，但據知因周永恒仍有一些與 Ruby仍未出街的激相在手，所以暫時仍不敢一刀切跟周永恒分手，以免刺激他再次失控。本刊多次致電 Ruby，但至截稿仍未回覆。