掃呢頁CODE去手機

2015年1月2日 星期五

[忽然1周 - 1014] 月取基金 2萬 欣宜 6千萬遺產未到手 欣宜,MW,




戶口得番 26蚊!

曾經試過戶口只得$26的欣宜,依家學識理財。

滾熱辣

月取基金 2萬 欣宜 6千萬遺產未到手

08年肥姐離世,外界以為欣宜火速接收母親 6千萬遺產,打跛腳都唔使憂。不過事實原來並非如此。本刊收到可靠消息,指肥姐臨終前與欣宜達成協議,搵律師立下遺囑,規定欣宜要 35歲後才可動用遺產,之前她每月只能從基金中提取約 2萬元的生活費。肥姐此舉是怕女兒年幼,未識理財,更重要是希望女兒做個有用的人。

痛失母愛的欣宜,坦言幾年間除了面對孤單外,也漸漸學習理財。不過甚有骨氣的她,就算最困難的時候也未想過求助父親。她憶述:「試過戶口得番 26蚊。」

因為工作經常出埠的秋官鄭少秋,與三個女兒聚少離多,難怪睇唔住個女。近日細女鄭詠恩被拍下平安夜姣溝兩男,秋官真係好頭痕,猶幸大女欣宜卻非常生性。

入行數年的欣宜,自從簽了蕭定一之後,工作量比以前多了,收入穩定了。早前更首次為王賢誌代理的產品拍電視廣告,賺得三十萬,是入行以來最高的酬勞。欣宜說會儲起它用來置業,不會亂花。

外界一直以為欣宜已接收肥姐六千萬遺產,成為小富婆,但事實並非如此。「當年肥姐約欣宜同律師見面,喺律師見證下,肥姐同欣宜講,若媽咪將來有咩事,所有遺產要待佢三十五歲才可動用。肥姐話驚欣宜後生會亂嚟,當時眼紅紅囑咐欣宜,話要佢做個有用嘅人,要佢工作,唔可以懶。欣宜聽到媽咪咁講,都忍唔住一邊喊一邊叫媽咪放心,仲話會照顧自己,唔會亂使錢。所以欣宜每個月只可以從遺產基金提取二萬蚊幫補生活。」知情者說。

肥姐雖然對欣宜呵護備至,但為咗愛女可以做個有用的人,每個月只會在遺產基金發放 2萬蚊俾欣宜用。

欣宜同男友 Silas Lee戀得火熱,心情 high到爆!

食隔夜餸慳錢

欣宜現時的寓所是肥姐送給她最後的禮物,雖然不用供樓,但兩萬元生活費當然不能大花筒,所以肥姐離世後,欣宜就辭去司機及傭人削減開支。不過,她說多年來的生活習慣難以一時作出改變:「以前唔知每日飲一杯 Starbucks原來係好奢侈,加上我學咗媽咪,同朋友出去食飯慣性埋單,好『豪』;幫朋友俾咗錢,試過心軟又唔去追數,所以起初真係唔夠錢使,呢啲生活維持咗一年。」

問到月尾冇錢點算?她說:「唔出街囉,而且我又唔介意食隔夜餸。」馬死落地行,最終欣宜學懂寫下每個月的開支,而且戮力「格價」,她說:「 Mark低自己用錢習慣,買日用品都要,例如紙巾呢款 28蚊,呢款 26蚊,梗係買平嗰款喇;而且唔再咁『豪』,學識 AA制。」

12月 30號晚,欣宜出席老闆蕭定一晚宴,開心滿場飛。

欣宜依家不會刻意減肥,拍攝當日仲叫外賣醫肚,食得津津有味。

廣告商老闆王賢誌前來探班,更與欣宜玩自拍,他更指欣宜拍攝速度比預期快,非常滿意其表現。

肥姐離世後,陳淑芬陪伴欣宜香港及加拿大兩地搞喪禮,盡心盡力,陳淑芬更是肥姐遺產的管理人。圖片

肥姐教買樓

肥姐自小教欣宜要買樓保值,欣宜亦幼承庭訓:「媽咪自小灌輸我要買『磚頭』,所以我希望兩年內賺到錢買層四、五百萬嘅樓收租,我想做收租婆。」

學識量入而出,兩年前她已買了座駕,近年更請了傭人。她說:「依家助手係公司提供,閒時我好少出街,使錢唔多。近年工作多咗,生活都開心嘅。」欣宜近年更是事業愛情漸入佳境,肥姐可以放心了。

欣宜早前出席羅文的紀念演唱會,小野貓的造型,又跳又唱,贏得外界一致好評。

欣宜現居是肥姐生前買落的西半山豪宅嘉和苑,市值 1,800萬,令她不用捱貴租。

欣宜現時的座駕是 Honda,約值三十萬左右,經濟實用。

唱片賣得 雞碎分紅

唱片《有故事的人》

27歲的欣宜入行只有 6年, 2011年首張唱片《有故事的人》已達金唱片( 15,000張)銷量,同年奪《 IFPI香港唱片銷量大獎 2011》十大銷量廣東唱片及最暢銷本地女新人。雖然成績不俗,但分紅每張只有 4元,收入約 6萬。

除了唱片,新人的她,劇價及電影價僅得 5位數字,幾年來每月平均收入也少過 2萬。不過自簽了蕭定一後,多了登台及商場騷,收入平均 4萬,比昔日倍增。

電視劇

《畢打自己人》、《隔離七日情》

電影

2010年《 72家租客》

2011年《我愛 HK開心萬歲》

2012年《寒戰》、《我老婆唔夠秤 II我老公唔生性》

2013年《 2013我愛 HK恭喜發財》

2014年《 Huat啊! Huat啊! Huat啊》

2014年《辣警霸王花》

舞台劇

2012年「演戲家族」音樂劇《一屋寶貝》

演唱會

2014年《不朽傳奇.舞台上的羅文紀念演唱會》

劇集《畢打自己人》

電影《辣警霸王花》眾主角



鍾意就快D Share啦!