掃呢頁CODE去手機

2015年1月9日 星期五

[忽然1周 - 1015] 結婚 25年三哥冧歌𠱁三嫂 三哥,苗僑偉,MW,




囝囝苗俊喺外地趕唔切返港,唔緊要。三哥三嫂仲有囡囡苗彤(右)幫手,今次主題同布置,都係囡囡一手包辦。

媽咪姐

結婚 25年三哥冧歌𠱁三嫂

生日年年有,今年三嫂踏入 53歲,都要搞大佢。加埋「銀婚」紀念, 25年話短唔短,三哥仲要同班姐仔傳過緋聞,三嫂都係咁信任佢,呢幾圍酒抵擺

呢晚( 5日),三哥真係請咗唔少人嚟,媽咪姐去到幾驚喜㗎!昔日五虎嘅劉華、黃日華同湯鎮業都喺度,只係差咗梁朝偉。三哥話人係請咗,不過佢要去北京宣傳電影,就搵老婆劉嘉玲戥腳喎!睇嚟要齊人,可能要再等 25年。

好彩三哥話兩夫妻感情好好,大家想睇佢哋咀嘴冇問題。仲練定歌上台唱,𠱁三嫂開心,企到腳痛都無計!果然三嫂真係好受呢一套,睇見佢哋咁溫馨,連媽咪姐都感動到眼濕濕呀!

扮晒《史密夫決戰史密妻》嘅「苗僑夫與苗僑 Wife」,睇落台型唔輸蝕喎!

四虎加鄭則士同張兆輝,令人懷念那些年大台嘅風光。但係依家,唉!

三哥搵埋班兄弟上台唱〈越難越愛〉,話要向三嫂表達愛意, sweet得佢吖。

梁朝偉去咗北京宣傳電影,搞到五虎始終唔齊腳,但嘉玲話代夫出征,咁都得嘅咩?

三哥之前去美國開工,帶埋三嫂去過聖誕,返嚟唔夠幾日又大排筵席,慶祝銀婚同三嫂生日,真係開心事唔好俾佢停喎!



鍾意就快D Share啦!