2015年1月9日 星期五

[忽然1周 - 1015] 賤男吳帥爭女?楊思琦:大家唔使擔心! 吳帥,思琦,楊思琦,MW,




媽咪姐

賤男吳帥爭女?楊思琦:大家唔使擔心!

做咗單親媽媽 3年嘅楊思琦,離開大台之後,密密北上搵銀,做人愈嚟愈積極。不過,有啲瘟神硬係陰魂不散!啱啱就有報道話賤男吳帥忽然返咗香港,仲踩上思琦妹屋企拍門,話要攞番個女 Krystal(楊卓穎)喎。嚇到思琦妹手騰腳震,死撐話要報警先嚇退不斷拍門嘅吳帥。







嘩!拋妻棄女咁耐,一出現就話要番個女?咪癲媽咪姐好擔心思琦妹呀,即刻打電話問候。呢位硬淨媽媽話多謝大家關心,「冇回應,冇喊,根本冇發生呢樣嘢,大家唔使擔心!」咁如果囡囡問起爹哋又點?「唔講啦,我唔會答。」嗯,睇嚟思琦妹真係好唔想再提起賤男。新一年,的確應該向前望嘅!

圖片

吳帥騷擾思琦妹新聞一出,網民瘋傳。有人幸災樂禍,但多數人都力撐呢位單親媽媽。

上個月,思琦妹同胡杏兒齊齊上深圳衞視嘅綜藝節目。睇衣着就知思琦妹真係搏到盡!

又係上個月,思琦妹參加珠江頻道嘅《粵唱粵響》歌唱比賽,雖然第二回已經出局,但誠意可嘉,評判黎彼得都想錫啖。加油呀!思琦妹。



鍾意就快D Share啦!
Related Posts Plugin for WordPress, Blogger...