網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月1日 星期四

[壹週刊 - 1295] 無男不歡 電廠傅嘉莉 姣遍橫店 傅嘉莉,M1,






傅嘉莉在等埋位時,經常向陳展鵬放電,又做古怪表情氹對方開心,相當落力。

探熱針

無男不歡 電廠傅嘉莉 姣遍橫店

由 model身份殺入電視圈的傅嘉莉,多年來演出機會不多,直至去年的《衝上雲霄 II》,才為人留意,撞正大台演員荒,瞬間受到力捧的她,先後在《愛我請留言》及拍攝中的《張保仔》做女二。

劇集早前拉隊到橫店拍外景,向來受男同事歡迎, watt數強勁的傅嘉莉又頻頻施展姣技,頭號目標是陳展鵬,無論開工收工,都同對方形影不離,打情罵俏;當頭號不在身邊,傅嘉莉甚至連陳山聰及人夫陳志健都唔放過,逢佬都電!

頭號目標

下星期二(一月六日)滿三十歲的傅嘉莉,對男人絕對有一手。拍《衝上雲霄Ⅱ》姣溝吳卓羲外,早前更被發現冧掂星洲有米肥叔叔,陪去名店掃名牌後,在的士上主動又攬又啜回禮。

天生夠姣必有用!最近大台拉隊到橫店拍新劇《張保仔》外景,劇中傅嘉莉與掹車邊算「筍盤」的陳展鵬有不少對手戲,被視為頭號目標,每逢有同場,她都會刻意同對方坐埋一齊,為自己製造增進感情機會,有人主動送埋身,陳展鵬亦顯得相當受落。

有次二人要埋位拍一場感情戲,等打燈期間,傅嘉莉突然對陳展鵬郁手郁腳,將對方的頸巾拉來拉去,箍完又繑,扮完鬼臉又裝可憐,兩隻眼不停放電,氹得陳展鵬不知幾開心,陪玩陪傾偈陪合照,總之有求必應。

傅嘉莉開工不忘娛樂,經常搵陳展鵬一齊影合照,恩愛同打交款式樣樣有齊。

只要一見到陳展鵬在場,傅嘉莉就十足貼身膏藥黐到實。

人夫都啱

由於陳展鵬佔戲極重,開工組數多時間又長,戲份較少的傅嘉莉唯有轉移目標,黐住收工必定拉大隊外出食飯的陳山聰一齊搵食,即使劇中其他姐仔如龔嘉欣、黃智雯等甚少跟隊,傅嘉莉一樣冇有怕,死跟住全男班出動。

除了只差一點點便做到何家女婿的陳山聰,傅嘉莉連有婦之夫、大隻佬陳志健都冇放過,兩人不時約埋一齊 shopping,又主動搵對方陪做 gym,無時無刻,都要有個男人喺左近。

同羅樂林女兒結了婚的陳志健都成為傅嘉莉目標,經常一齊食飯,又叫對方教做 gym。

傅嘉莉又約埋陳志健到超市 shopping,返回酒店途中更玩到拖晒手。

冰火花旦

傅嘉莉黐少陣「男人幫」都唔得!但女主角陳愷琳莫講話男演員勿近,就連女演員,她都少埋。

「 Grace(陳愷琳)一選完港姐就俾公司捧,仲要套套做女主角,其他姐仔梗係唔妥佢,撞口撞面都唔打招呼,加上佢啲戲唔好成日 NG,搞到大家遲收工,所以啲人唔係咁鍾意佢囉。」劇組工作人員說。

被人杯葛,陳愷琳唯有急召自己媽打飛到橫店做伴,無論開工收工,都係媽咪跟住,比起「最受歡迎佳麗」,有同劇男演員做親兵的傅嘉莉,一個凍冰冰,一個熱辣辣,好玩得多。

俾超雲飛甩的陳山聰都不愁寂寞,有傅嘉莉不時向他姣電。



見到陳山聰塊面黐塵,傅嘉莉即細心用手幫他抹面,又使出招牌鬼臉氹人笑。

不過陳山聰似乎對港姐陳愷琳較有興趣,踎低幫她影相獻恩勤。

俾其他姐仔排擠的陳愷琳,搵阿媽飛到橫店陪伴,無論開工定收工,都只有阿媽喺身邊。

食得雜

出名發電廠的傅嘉莉( Kelly),出道以來緋聞多籮籮,有錢有老婆甚至有番咁上下年紀嘅阿叔,都試過!

四眼肥叔叔

今年 10月,傅嘉莉被踢爆搭上一位年約 60歲的有婦之夫肥叔叔,二人被拍到在中環 shopping掃名牌,坐的士離開時,二人更情不自禁在車廂又攬又啜。

呂慧儀老公

去年呂慧儀老公黃文迪( Dickson),在 instagram上載一張與「黑甲油」女人車廂十指緊扣相,其後有眼利網民發現「黑甲女」是與 Dickson同公司的傅嘉莉,惹來做小三疑雲。

吳卓羲

與吳卓羲拍《衝上雲霄 II》被指戲假情真, Kelly大讚唱 K是筍盤,又鼓勵對方放膽向她追求。

富二代羅博文

去年被踢爆與任職資產管理的外籍富二代羅博文撻着,二人拍拖半年便進展到半同居關係。



鍾意就快D Share啦!