2015年1月8日 星期四

[壹週刊 - 1296] 選戰之後 幾杯落肚 男神王宗堯淒涼爆喊 王宗堯,M1,




探熱針

選戰之後 幾杯落肚 男神王宗堯淒涼爆喊

在港視劇《選戰》飾演李心潔智囊張癸龍而爆紅的王宗堯( Greg),獲高登仔選為「男神」,更被譽為港版竹野內豐;人氣急升,公司三周年晚宴上,他可以拍住公司一哥張智霖企中間影大合照,攞晒威!入行十一年,十年都冇乜人識,一劇風光,幾杯落肚後,男神一時感觸,當場爆喊。

黐 Chilam企中間

為顯示對張智霖的重視,蕭定一刻意安排 Chilam於「中國 3D數碼娛樂有限公司 3周年晚宴」活動舉行簽約儀式,又安排公司一眾藝人包括王宗堯、鄭欣宜、莊思敏等上台和 Chilam影大合照,男神更拍住 Chilam企中間位,受到高度重視。

「老闆嚟緊一年幫我安排咗好多嘢,因為《選戰》賺咗人氣,我知道嚟緊公司會放多啲資源落我身上。」王宗堯說。一劇成名!王宗堯首次孭飛男主角的電影《壹獄壹世界:高登闊少踎監日記》亦會打鐵趁熱出街,而戲中他露股裸跑一幕,成為焦點。「咁個股的而且確好靚,值得一睇再睇。(同 Coffee有好激嘅演出?)好激,比《喜愛夜蒲》激好多,意識大膽,角色比較淫亂,有一幕係我坐緊監幻想做緊,無床周圍玩。」

蕭定一安排王宗堯企响 Chilam旁邊影大合照。

在晚宴突然攬住女同事爆喊,喊到出晒聲嘅王宗堯隨手拎起條餐巾抹眼淚。

收咗聲,但眼淚依然不停流,只見他以手拭淚,好淒涼。

喊足十分鐘

經營事業十一年終於有新突破,王宗堯在公司三周年晚宴上與賓客杯杯清,去到尾聲,更感觸到攬住同事爆喊十分鐘的他,最後要林芊妤( Coffee)拖住氹番。

「過去一年公司有好多變遷,大家都做得好辛苦,有啲舊同事同我默默耕耘咗兩年,冇機會同我分享成果,係有啲唔開心。」

和前度陳靜分手後,王宗堯自稱未有新對象。

「冇拍拖呀,( Coffee呢?)唔得啦,太過辣,勁得滯!個人大咗,想搵啲穩穩陣陣就算,太有挑戰性嘅唔好喇!」王宗堯今時不同往日,錫身保機會,明智之舉。

Coffee當晚心口逼爆,她說是著細一個碼的效果!

Coffee主動氹番男神,有女投懷送抱,王宗堯破涕為笑。

孭正做主角的新戲中,王宗堯與 Coffee激情肉搏外,更大膽全裸露股,非常搏。

前度陳靜屬女神級類別,自稱未遇到新對象的王宗堯笑言不想再挑戰高難度。

去年與雨僑合唱《埋頭苦愛》,王宗堯說感激監製舒文令他找到自己的聲線去唱歌。

男神那些年

入行十一年,王宗堯曾經去過台灣,同楊丞琳、邱澤一線台劇演員拍偶像劇,亦參與亞視劇集演出,出身英華名校,去過英國留學的他,浮沉娛樂圈超過十年,三十六歲男神,終於起運。

台仔

05年,在台灣發展的 Greg與何潤東、房思瑜合作台劇《風中戰士》,台味打扮濃郁。

紅唇土炮

08年返內地接拍劇集《花之戀》,與翁倩玉飾演母子而結緣上契,當時膚色較白的 Greg紅唇花恤衫,土!

扮賭神

張智霖合作亞視劇集《勝者為王 IV爭霸》,頭髮全向後扮賭神。

MV躉

做過唔少 MV男主角,包括黃伊汶的《從沒離開》。



鍾意就快D Share啦!
Related Posts Plugin for WordPress, Blogger...