掃呢頁CODE去手機

2015年1月8日 星期四

[壹週刊 - 1296] 石修仔有女攬住錫 石修仔,石修,陳宇琛,M1,




已經拍拖超過一年,但陳宇琛同女友 Camille依然好恩愛,去到邊都拖到實。

同你吟一吟

石修仔有女攬住錫

娛樂圈星二代,事業難勝父母,但講到溝女戰績,謝霆鋒有天后王菲、洪天明娶到港姐亞軍周家蔚、曾國祥又冧掂新一代女神王敏奕,至於石修囝囝陳宇琛都唔輸蝕,空姐女友係「 A貨超雲」 Camille,唔只個樣有番咁上下,冧仔招數,仲非常之進取。

早排《壹》仔响圓方撞見陳宇琛同女友拍拖睇戲,未夠鐘入場,唯有四圍行 window shopping。全程拖實男友之餘,搭電梯期間,女友變身人肉樹熊,攬實陳宇琛再錫頸。

女友時時刻刻都咁主動,難怪陳宇琛對拍拖一年嘅 Camille讚不絕口,話佢冇港女病,大家同樣响外國大,鬼聲鬼氣思想好夾。係呀!咁如無意外,石修呢杯新抱茶,應該飲到嘴邊。

扮完樹熊再扮嗲豬,嘟長個嘴摸住塊面話眼痛,陳宇琛即刻幫女友睇吓隻眼咩事。

抱抱

Camille樹熊上身,攬實男友唔放,之後再送多個頸側香吻,的確,有非一般港女嘅熱情。

錫錫

戀情公開,陳宇琛仲會帶埋女友出席公開活動。

石修已經 66歲,陳宇琛係時候諗吓,幾時俾老豆飲新抱茶同快啲添個孫。



鍾意就快D Share啦!