網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月15日 星期四

[壹週刊 - 1297] 定情愛車 隨時嫁 吳雨霏收 150萬波子 吳雨霏,BKD_S,M1,




探熱針

定情愛車 隨時嫁 吳雨霏收 150萬波子

自從宣布同網球王子 Brian洪立熙復合, Kary吳雨霏講到明隨時會閃婚。做足人妻準備, Brian長情專一,終贏得 Kary芳心。為氹另一半,去年中, Brian豪花 150萬訂購保時捷 Macan,送給愛車的 Kary。近日新車到手, Brian駕駛愛的戰車接女友出席何超瓊契女曾昭怡婚禮,據知以二人英文名縮寫的「 KB」車牌,更是由 Kary未來奶奶所贈送。

懶理余文樂

跟余文樂戀情快來快去,吳雨霏最終情傾初戀男友 Brian洪立熙,二人復合不久, Kary便公開表示隨時有閃婚可能,以確認男友真命天子地位。

「佢哋由細玩到大, Brian對 Kary一往情深,今次再喺番埋一齊,兩個人都好珍惜,雖然余文樂間中都會撩 Kary出嚟約會,又送限量版波鞋同 T-shirt,佢份人就係咁,有就唔珍惜,冇咗就囉囉攣,同 Brian專一性格無得比, Kary梗係識揀就算而家事業仲衝緊, Kary都有結婚打算,仲同朋友講,覺得歌迷接受能力大咗,結婚唔會影響事業,可想而知 Kary有幾珍惜呢段感情!」知情者說。

Brian送給 Kary的保時捷 Macan Turbo,等足半年才到手,新車剛落地不足一星期。

Brian送 Kary返回跑馬地千葉居寓所,幫女友到車尾箱取回物品時,兩人相視即笑,愛得甜蜜。

前後腳離開婚宴, Brian先到停車場攞車,等了十分鐘也未見 Kary,原來女友唔熟路, Brian緊張四圍搵女友。

做柴可夫

二人在去年六月復合, Brian為氹女友,知道 Kary愛車,於是豪花一百五十萬買入保時捷 Macan跑車送給另一半。

「 Kary十八歲就考到車牌,又鍾意啲有型嘅車款, Kary之前睇車書,講過話覺得呢部車好型, Brian聽到即刻訂咗 Kary最鍾意嘅黑色,不過架車等足半年先到手, Brian媽咪更加買咗個以 Kary同 Brian英文名縮寫嘅車牌,送俾佢兩個。其實 Brian媽睇住 Kary大, Kary性格爽朗又對長輩有禮貌, Brian媽知道個仔同番 Kary一齊,不知幾開心,成日催個仔快啲結婚。」知情人說。

上週六(一月十日),何超瓊契女 Natalie曾昭怡與拍拖多年男友 Justin,在淺水灣 The Verandah舉行婚禮,與新娘子份屬好友的 Kary更擔任姊妹,當日 Brian亦到場會合女友,為新人送上祝福。下午三時婚禮結束, Brian先行離開會場到停車場取車,殿後的 Kary因為唔熟路行錯方向,搞到男友要兜圈接女友上車。

二人三離三合,過去八年, Kary由餅女變成一線歌手, Brian亦由網球王子變成金融才俊。

「其實 Brian做咗金融都好幾年,手上有唔少大客,事業穩定,所以有晒成家計劃,只係等 Kary答應!」 Brian友人說。

何超瓊契女曾昭怡出嫁,婚禮在淺水灣 The Verandah舉行。

與余文樂分手五個月,在 IT周年晚宴重遇,余文樂不時借意黐實 Kary。

前一晚出席完港台頒獎禮,翌日晨咁早 Kary又為好友曾昭怡婚禮做姊妹。

視 Kary為結婚對象的洪立熙,已融入 Kary家庭生活。

八年情

吳雨霏與「網球王子」洪立熙由細識到大,雙方父母更是多年世交。 09年,二人甜蜜放狗被踢爆戀情;直至 10年, Kary宣布與拍拖四年的 Brian分手,但男方對 Kary依然念念不忘; 11年 Kary在紅館開處女個唱, Brian現身撐場兼送花獻吻。到 12年,二人同遊泰國斷正, Kary大方承認復合傳聞;但一年後, Kary與余文樂拍 MV撻着,可惜戀情維持短短幾個月便玩完,其間余文樂多次求翻撻,但 Kary最終選擇重投「網球王子」懷抱。



鍾意就快D Share啦!