網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月22日 星期四

[壹週刊 - 1298] 嘢照食波照踢 巨腩阿倫連中三元 阿倫,BKD_S,譚詠麟,M1,




無褸遮掩,阿倫肚腩即刻現形。

探熱針

嘢照食波照踢 巨腩阿倫連中三元

六十四歲的阿倫譚詠麟開十二場「銀河歲月 40載演唱會」,門票一開售即爆;開騷在即,但貪吃阿倫唔驚粉絲嫌自己「粗身大細」,嘢照食,波照踢!與李克勤等明星足球隊隊友到界限街運動場開波,阿倫腩圍似有咗五個月,肥到跑唔郁,唯有「得」正禁區位等人「餵」波,結果連入三球,不費吹灰之力!

食飽先有力

對上一次開騷,是一三年底的「左麟右李」,今個農曆年檔期,阿倫舉行一連十二場「銀河歲月四十載演唱會」。就快開騷,但阿倫依然冇收斂,繼續將「食物焚化爐」招牌發揚光大,令本來已經夠脹的身形,更加圓潤好肉。

「過去呢一年,『左麟右李』做咗差唔多四十場巡迴,本來都好辛苦,但阿倫鍾意食,去到外地更加收唔到掣,加上佢認為要食多啲,開騷先有氣力唱歌,所以最近仲肥咗!」知情者說。

唔可以唔食,波仍唔可以唔踢!早前阿倫約埋李克勤同明星足球隊踢波。橙色波衫落場的阿倫,五個月巨腩無所遁形,負磅重,跑兩跑便要停。

隊友激烈搶波,阿倫卻 O晒嘴跑唔郁。

入完波,阿倫笑晒𢱑下體。

多得隊友「餵」波,阿倫才有機會射龍門。

企定等餵

開騷唔可以受傷,阿倫大條道理 hea住踢,之後索性企正龍門位,等隊友「餵」波,而負責中場的李克勤,落力搶波進攻,比阿倫投入得多。

「阿倫而家落場志在郁吓,不過班隊友好識做嘅,會製造機會俾校長入波,呢項 VIP福利,除咗阿倫,做過手術嘅羅家英亦可以享有。」知情者說。

演唱會連同海外及內地巡迴,進賬可觀,以往習慣將資產交託元配莎莉投資的阿倫,單是物業已接近四億。由於兒子譚曉風去年考入英國牛津大學,原本只持有跑馬地兩個物業的二奶 Wendy,去年獲「老公」在英國買屋,亦有指阿倫月前睇中羅便臣道另一個豪宅單位,亦打算送贈兩母子。

「阿倫最緊要大家開心,大婆又好, Wendy又好,佢唔會顧一個唔顧一個。」知情者說。

食得搵到仲享埋齊人福,阿倫就算孭住個「摩天輪」,都何其幸福。

阿倫熱愛足球,但近年落場變得極之錫身,唔多願跑。

相比阿倫,克勤全晚都表現落力。

帶波的克勤,經常被敵隊 mark到實。

○九年「左麟右李」演唱會要騷肌,阿倫被迫戒口,更花了兩個月狂操。

近年大時大節,阿倫多與 Wendy兩母子,陪媽媽吃飯。

十年無停

無論是「左麟右李」,抑或自己一個開騷,過去十年阿倫已開了過百場演唱會,仲未計海外及內地巡迴,歌酬加埋真係賺到笑。

2003年:

「左麟右李演唱會 2003」 Part 1: 12場

「左麟右李演唱會 2003」 Part 2: 6場

2004年:「左麟右李 04開心演唱會」: 11場

2005年:「譚詠麟歌者戀歌濃情 30年演唱會」: 10場

2007年:「溫拿 35周年演唱會」: 13場

2009年:「左麟右李演唱會 2009」: 12場

2010年:「譚詠麟 2010再度感動演唱會」: 8場

2011年:「溫拿 38大躍進演唱會」: 8場

2012年:「譚詠麟、杜麗莎 Time After Time Concert 2012」: 9場

2013年:「左麟右李十周年演唱會 2013」: 13場

2015年:「銀河歲月 40載演唱會」: 12場

香港站合共: 114場



鍾意就快D Share啦!