天后自助拉袋行上斜，助手急急腳跟後。
同你吟一吟
容祖兒有助手唔用
為咗陪媽咪抗癌，容祖兒舊年停工半年，貼身侍候病母。做孝順女，理所當然；但《壹》仔發現 Joey唔單只對自己阿媽廿四孝，對待侍候佢嘅貼身助手，天后都冇隨便擺老細款。
上星期五（十六日），助手陪容 Joey去中環整頭試妝，因為唔想司機兜大圈，於是喺皇后大道中落車，再行上去石板街。是日 Joey帶咗個有轆可以拖嘅手挽袋跟身，雖然有助手跟住，但佢一條氣拉住行，就算上石級要拎起個袋，佢都係自己搞掂。
冇乜幾何又好，經常都係咁亦好，八珍今期都要俾個 like佢。老實講，呢個 like，難攞過大台《勁歌》最受歡迎女歌星呀，想「十連 like」，邊得咁易！
|
鍾意就快D Share啦！
|
|
|
