【太陽報專訊】無綫劇《當鐵馬遇上戰車》的台前幕後包括唐詩詠、黃德斌及蔡思貝等前晚舉行煞科BBQ宴，期間詩詠自爆已恭喜被最新一期《好報》拍得在夜場喪攬巨咪女的鄭嘉穎：「佢話『你玩嘢呀』，佢應該識吓女仔，都好耐冇拍拖。單身男士識女仔好小嘢啫，係唔好彩被影到。（嘉穎醉咗睇唔真女仔個樣？）酒醉三分醒，佢一定認得！」她又力撐備受抨擊的旅遊節目主持杜如風：「我熟悉嘅佢並冇外界睇到嗰啲問題，佢唔扔嘢，有一千對鞋唔出奇，而且自力更生，愛Fashion又會研究當中歷史，好值得欣賞！」
至於蔡思貝則報了黃秋生的演戲班：「好貴但佢好嚴謹，所以唔理價錢都想聽吓！」而踩單車赴會的黃德斌被公開早前與張耀揚的踩單車照，他說：「邊個得閒咪邊個踩，我哋遊山玩水啫！」
相關新聞
|
鍾意就快D Share啦！
|
|
|