掃呢頁CODE去手機

2015年1月12日 星期一

司馬燕傳死訊 周美鳳:最緊要活得精采 司馬燕,周美鳳,




司馬燕傳死訊 周美鳳:最緊要活得精采



其他影片:>>






司馬燕傳死訊 周美鳳:最緊要活得精采

【抗癌勇士司馬燕之好友心痛】

51歲的抗癌勇士司馬燕,過去兩年一直受胃癌纏繞,病情反覆,多次進出醫院,體重更一度跌至50磅。昨日司馬燕傳出死訊,其閨中密友周美鳳昨在電話中似有口難言,揚言一切交由司馬燕丈夫吳忠義發言,周美鳳並感慨說:「生老病死,最緊要係活得精采。」至於司馬燕另一好友梁思浩聞言後傷心得失聲痛哭說:「我知佢撐得好辛苦!」

兩年前司馬燕因患胃癌而切除整個胃部,開始無胃人生。多次進行化療的她,體重由100磅跌至80磅,並因病情反覆而屢次入院,去年10月,司馬燕病危再進院,體重急跌至50磅。雖然上月14日,司馬燕秘密出院回家休息,其後於facebook上載與家人過冬至及聖誕的相片,但昨日傳司馬燕終不敵病魔於前日病逝。

周美鳳與司馬燕份屬好友,記者昨向她求證司馬燕死訊時,周美鳳在電話中似有口難言,問到司馬燕的病情?周美鳳說:「等佢先生講。」問司馬燕是否已經離世?她依然拒絕透露,只感慨說:「乜都等佢先生講。作為朋友,多謝大家關心,大家畀多啲空間佢哋,唔使擔心,人嘅一生就係咁,生老病死,最緊要係活得精采。」



■司馬燕與丈夫吳忠義夫妻情重,吳忠義對愛妻一直不離不棄。



■周美鳳對司馬燕死訊支吾以對,她於前晚9時半在微博貼出祈福圖案。





■愛熱鬧的司馬燕曾在家中開派對,當時她體重已跌至50磅。

曾言過唔到50歲

而司馬燕另一好友梁思浩,對於司馬燕傳死訊,思浩昨在電話中沉重的說:「我唔想相信,直至佢屋企人通知我,我先相信呢個消息,我識咗佢30年,我知道佢好辛苦,好多人一路撐住佢,佢生命力好強,我知佢撐得好辛苦,我唔想聽到呢個消息係真,呢幾日實有太多呢啲消息流傳,每一個人打畀我,我個心都會痛一次,我要直到佢屋企人話畀我聽,我先至相信。」談到司馬燕為人,思浩說:「佢對朋友好重情重義、義無反顧,咁多年我同周美鳳、寇鴻萍同一啲朋友聚會,佢都做搞手,係一個中心點。兩年前佢姐姐走咗,佢同我講咗一句說話,佢話家族遺傳,所有人都過唔到50歲……」說話至此,思浩已泣不成聲,之後他續說:「我仲同佢講唔緊要㗎,呢個世界有奇蹟㗎,你會過到50歲㗎。」



■上月司馬燕再度入院,吳忠義24小時陪在老婆身邊。



■前年謝天華偕太太Tina到荷蘭出席司馬燕婚禮,交情匪淺。



■梁思浩昨聞得司馬燕死訊後失聲痛哭。

資料圖片



■胡渭康透露司馬燕早有離世的心理準備。

資料圖片

胡渭康:佢有準備

謝天華岳母Alice原來與司馬燕是相識數十年好友,司馬燕病重入院,Alice不惜停工陪伴,而天華與司馬燕亦私交甚篤,前年司馬燕與老公到荷蘭補行婚禮,天華也有出席。記者昨日兩度向天華求證司馬燕死訊,電話中的他語氣極沉重說:「我未知,未證實。」記者指他岳母是司馬燕數十年朋友,天華初時「嗯」了一聲,繼而支吾以對說:「我未知呀、我未知呀。唔知呀,我做緊嘢。」

司馬燕喜歡人多熱鬧,每有朋友生日聚會均會出席到賀,去年初洪羅拔舉行生日派對,患病的司馬燕亦是座上客,同場還有與司馬燕認識逾30年的胡渭康。記者昨致電胡渭康,他表示數個月前曾與司馬燕見面,雙方一直有聯絡,對於司馬燕傳死訊,胡渭康表示不知情,亦不想在這段時間打擾其家人,他說:「唔擔心,佢係一個好正面嘅人,從來冇投訴過,好積極咁生活。對我嚟講生命唔在乎長短,而係佢質素好好,雖然係病,但佢有一班好好嘅朋友、好好嘅屋企人,仲一直喺好好環境下休養。」那麼,司馬燕是否一早有心理準備離開?他說:「應該都有㗎,所以佢好樂觀。」

採訪:羅慧敏、魯吉、嵐山



■司馬燕曾與吳君如、林建明等合作《猛鬼霸王花》。



■司馬燕患病期間,吳忠義負責照顧兩個仔,上月他便帶細仔(中)去睇首映。

資料圖片



鍾意就快D Share啦!