網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月7日 星期三

[FACE - 398] 好口褔 追蹤來港 24小時 扭擰剝衫  Wyman嫖鹿晗 Wyman,BKD_S,黃偉文,MF,




拍兩日就收得工,鹿晗大把時間去瘋狂鳩嗚!

真面目

好口褔 追蹤來港 24小時 扭擰剝衫  Wyman嫖鹿晗

韓風繼續吹,估唔到竟然殺到入新年賀歲檔,今年過年唔使再睇黃百鳴同曾志偉。

繼上年的《金雞 sss》後,吳君如終於收山唔做雞轉玩鴨仔,新戲《 12金鴨》除咗自己反串做埋一份外,仲有型男古天樂、謝霆鋒同周柏豪等金鴨,原來仲有前 EXO中國籍成員鹿晗!

上週四( 1日),鹿晗秘密來港兩日為電影開工,據知這場戲係講 Wyman嫖鴨嫖正鹿晗,拍攝鹿晗剝衫戲份時,來自韓國的工作人員非常緊張,一定要清場先肯露!

有得品嘗半裸韓星,君如今次擺明益老友喎!








有得同半裸鹿晗親密接觸, Wyman落樓時個樣開心到呢!

上週四( 1日),鹿晗由韓國來港開工,同行有兩男一女助手、仲有化妝、髮型師,成支軍隊來港,只係為《 12金鴨》拍攝一場戲。雖然鹿晗和劇組都非常保密,但當日仍有 300多個粉絲收到風接機,喺機場逼到鹿晗埋牆,成功甩身之後,鹿晗九秒九上車走人,先到新蒲崗排舞,週五朝早就開工拍攝。

騷肌跳 break dance

鹿晗今次拍《 12金鴨》屬客串性質,只拍一日就完成,雖然戲份唔多,但君如揀角色人選亦冇求其,曾經考慮過 EXO的 Kris吳亦凡同 SJ的崔始源,最後揀了有樣有人氣的鹿晗;唔講唔知,鹿晗在國內人氣極高,微博粉絲人數高達 466萬人, 12年 9月轉發一則曼聯微博,更打破健力士世界紀錄,評論數目達 1322萬,健力士更向他頒發「微博上最多評論博文」。

雖然係客串,不過做得金鴨當然要剝衫。鹿晗主要同飾演嫖客的 Wyman有對手戲,在高級夜場大跳 break dance,跳跳吓仲騷肌㗎!拍攝剝衫戲份時,鹿晗助手表現得極為緊張,除了要求清場外,亦不准在場人士私自影相,跟足大牌韓星規矩。

來自北京的鹿晗,屋企大把錢,而且唱得跳得又睇得,韓妹當正佢係男神。

買化妝品

男仔都要 keep,所以鹿晗除低口罩慢慢試吓邊隻產品好用。

換新褸

本身着住件綠色軍褸嘅鹿晗,喺 Joyce買咗大批新衫,仲換埋先走。

掃表

鹿晗睇中一隻愛彼表,盛惠 20萬 4千,對佢嚟講濕濕碎

掃喼

鹿晗係咁易 8咗一個圈,已經叫售貨員幫佢包起幾個新喼,期間不時影產品相 send畀人,唔通係買嚟送禮?

Kris(紅圈)同鹿晗(黃圈)分別於去年同今年先後離開 EXO,不過依然人氣高企,大把 job接。

夜遊星光大道

一月一

鹿晗抵港時被近 300名粉絲包圍,場面非常混亂。

第一晚拍完部份戲份後,鹿晗去了自遊行最愛的尖沙咀星光大道,第二日隨即再到太古城 East Hotel繼續拍攝,君如亦相當識做,拍到 3點幾就放人,鹿晗終於可以瘋狂「鳩嗚」。

講明係「鳩嗚」時間,鹿晗先到銅鑼灣時代廣場到此一遊,買杯咖啡後即轉場去中環 fing錢。身為富二代,自己又搵到,來自北京的鹿晗使錢梗係冇手軟,短短幾個鐘買了廿萬的 AP名表和 6千蚊起跳的德國名牌 Rimowa篋,又去 Joyce狂掃衫褲,離開鋪頭時全身衣物換過晒!兜個圈都跌廿萬,夠土豪呀!

《 12金鴨》多串星

除了鹿晗有份做鴨仔,君如今次出動大量人情牌,請到唔少重量級大星客串,例如 Isabella、謝霆鋒同容祖兒,真係睇少一秒都走寶呀!

《 12金鴨》上週六( 3日)開記招,但鹿晗早一晚( 2日)已經離港,冇份出席。

Isabella

逐步復出的 Isabella梁洛施扮演 OL嫖客,對手仲係有番咁上下份量的鴨仔。君如今次包埋機票酒店,好有誠意!

謝霆鋒

上年有份拍《賭城風雲》賀歲的霆鋒,今年會幫君如在《 12金鴨》客串做金鴨,不過講明唔使露㗎!

容祖兒

甚少拍戲的祖兒將會飾演嫖客,咁蹺男友劉浩龍有份做其中一隻鴨,唔知祖兒會唔會嫖番自己隻私家鴨呢?



鍾意就快D Share啦!


Related Posts Plugin for WordPress, Blogger...