2015年1月21日 星期三

[FACE - 400] 最寸脫星冇朋友 袁嘉敏: 6年冇男人 袁嘉敏,MF,




上週六( 17日),袁嘉敏出席《鴨王》宣傳,中門大開,套衫似足睡衣咁性感,大風啲都吹到露點呀!

封面

最寸脫星冇朋友 袁嘉敏: 6年冇男人

羊年仲有 1個月就到,不過另一種動物鴨仔就相當 hit!

先有賣肉賣愛情動作場面的《鴨王》,再有吳君如套《 12金鴨》賀歲。冇大卡士撐場的《鴨王》,全靠是非做宣傳,早前傳出兩個女主角 Jeana(何佩瑜)同袁嘉敏不和互相杯葛,更有指袁嘉敏拍攝期間「獨家村」,寸到冇朋友;近日再流出兩條袁嘉敏露住點同男主角何浩文 Dominic激戰片段,引到一班麻甩仔未入場先興奮!

戲中又啜胸又玩人肉刺身咁繽紛,但原來袁嘉敏現實中已經 6年冇拍拖! Dry成咁,唔怪得拍肉搏戲拍得咁投入








袁嘉敏曾經以 SM裝同安志杰(右)拍《屍城》,不過冇乜 noise,點及《鴨王》露點搏盡!

今年 30歲的袁嘉敏, 09年參選港姐三甲不入,只得「最上鏡小姐」獎,輸俾已經成為李丞責老婆的劉倩婷。雖然其後拍過劇做過主持,又拍住蘇民峰做風水節目,但就撈極唔起,徘徊三四線。

唔肯講性事

後來約滿大台轉簽 Paco旗下的太陽娛樂,有份拍電影,不過發揮戲份唔多。直至上年接拍《鴨王》豁出去露點演出,即成為話題,更搶去同戲的 Jeana風頭,套戲未上已經成為焦點,前所未有咁多人關注。

上週六( 17日),袁嘉敏做完《鴨王》宣傳後企街接受本刊訪問,期間句句有骨落地勁寸嘴,不過講到性事就紅都面晒唔敢答,「我𠵱家冇男朋友,都 6年冇拍拖喇!之前做幕後有拍過,之後選港姐已經冇(有冇同前男友玩人肉刺身?)唔會喇!」

專車接送

做完宣傳,袁嘉敏有公司七人車接送,又有助手跟住出入,排場勁過好多奀星。

寸爆杜汶澤

早前有傳袁嘉敏想黐王晶飛甩 Paco,仲同太陽娛樂有約的袁嘉敏,竟然答得好曖昧,「有得發展咪有得合作囉!如果我呢刻去歐洲讀書或者流浪,佢哋都會放我走嘅,始終做呢行,佢哋有利益先會做我經理人!」

眼中只有利益,對角色要求又高,上年拍《豪情 3D》臨門一腳先話唔露,奀星之中都算麻煩。袁嘉敏重提舊事,一樣好霸氣,「(《豪》片)監製、導演、製片最初話會好有發揮,問我脫唔脫得?我話可以。後來我睇劇本時先發現角色似《家有囍事》中嘅吳君如,似黃面婆,所以我覺得唔合適!而且劇本 focus嗰班日本女優,佢哋露已經夠!我哋傾好用『唔露點』呢個方案去計片酬,後來都係收一個好友善嘅價錢!」哦,原來都係個錢字!錢多先肯脫囉!

唔肯做配角

拍《豪情 3D》雖然話係第二女主角,但 focus喺班女優度,所以我唔肯露!

澄清唔係助手

我一畢業就喺陳可辛度返工,但唔係做助手,而係做電影發行!

寸大台刻薄

大台每月最多得 1萬蚊,我唔可以長期咁生活,會抑鬱㗎!《蘋果日報》圖片

露點唔使問父母

3字頭先決定博一鋪做脫星,袁嘉敏話唔怕屋企人反對,自己鍾意點就點,「父母知我做緊乜,不過對我事業上嘅方向冇意見!我係成熟女性,又喺外國留過學(墨爾本大學),比較西化,唔會做咩都問父母得唔得!」

唔驚屋企人唔鍾意,但始終係港姐又係港大比較文學系畢業,形象分分鐘毀於一旦,偏偏袁嘉敏完全唔 care,仲狂寸批評者思想狹窄,「呢套電影係講情慾關係,會有大膽鏡頭。要去欣賞電影世界,思想要好廣闊,如果啲人思想狹窄,不如睇電視劇」

句句有骨嘅袁嘉敏原來鍾意向尺度挑戰,唔怪得唔同大台續約拍劇

有傳 Jeana(左)同 Hazel(右)夾手杯葛袁嘉敏(中),袁亦冇否認,仲暗寸 Jeana係是非精。

袁嘉敏宣傳時同 Jeana(左)一齊餵 Dominic食鴨,表現生疏。

4分鐘露點片流出

被吳君如稱為「大波 Candy」的袁嘉敏,呢場遊艇露點戲有足夠空間俾佢晒料

袁嘉敏露晒點拍出浴戲,雖然身材算幾噴血,但有網友就彈佢個樣太老,似足 old嬋!

呢幕激咀戲,已經係小兒科喇!

原來 sheshe過?

袁嘉敏話自己 6年冇拍拖, dry足咁多年,會唔會轉玩 sheshe?讀港大時曾經參加過遊行出力爭取同志權益,更接受同志雜誌《點心》訪問,比何詩更早企出嚟!不過袁嘉敏就否認自己係 les,「我當時只係幫同志電影搞宣傳,唔係 les,不過雙性戀冇問題,港姐都係咁話!」果然夠 guts!

'09港姐史上最霉

袁嘉敏屬 09年港姐,更成為「最上鏡小姐」,雖然佢三甲不入,但原來已經係當屆最紅嗰個!翻查紀錄,當年最後 10強中,只得冠軍劉倩婷比較出名,不過嫁俾李丞責後甚少參與幕前;而亞軍李姿敏及季軍熊穎詩亦已人間蒸發,其餘更加係零印象!

袁嘉敏算係唯一仍然活躍於娛樂圈的 09年港姐。圖片

冠軍劉倩婷

自從嫁俾李丞責後已無心戀戰,專心做少奶奶好過!

亞軍李姿敏(左)季軍熊穎詩(右)

雖然係亞季軍,但兩人卸任後即離開大台。個名同個樣,冇晒印象囉!《蘋果日報》圖片

3代經典脫星

袁嘉敏露點拍戲成為熱話,數數手指,其實香港出產唔少脫星,當中以葉玉卿最經典,估唔到事隔多年,卿卿已經生咗 3件,仲回流拍賀歲片搞笑,臨尾先玩洗底!

'80

鍾楚紅

貴為 79年港姐第 4名的紅姑,在 83年的《男與女》一場寮屋沖涼戲露點,歷時 1秒,認真激罕!

夏文汐

曾經拍過露點戲的 80年代女星,一定要數夏文汐,《烈火青春》同《唐朝豪放女》當年的話題作,拍得住《鴨王》呀!

'90

舒淇

96年被王晶睇中,拍《玉蒲團之玉女心經》及多本露點寫真,後來封胸唔再露,艷星變女神,更奪得金馬影后!

葉玉卿

葉玉卿係 85年亞姐季軍,在 91年的《卿本佳人》 3點盡露,而 92年的《與鴨共舞》更同任達華有連場肉搏戲!

'00

雷凱欣

一入行即行性感路線的雷凱欣,以 36F魔鬼身材成為新一代性感女神, 11年拍《 3D肉蒲團之極樂寶鑑》露點搏盡被封「雷神」!

章小蕙

同鍾鎮濤生了一仔一女的章小蕙, 04年以 41歲高齡獲導演楊凡邀請拍《桃色》,戲中更 3度露點!



鍾意就快D Share啦!
Related Posts Plugin for WordPress, Blogger...