掃呢頁CODE去手機

2015年1月21日 星期三

[FACE - 400] 國產柳岩鬥胸爭仔 周秀娜黐富二代報復 周秀娜,BKD_S,MF,




貼圖區

國產柳岩鬥胸爭仔 周秀娜黐富二代報復

話咁快又賀歲,梗係唔少得黃百鳴嘅賀歲片,今年套《浮華宴》唔單只大堆頭,仲請嚟國產 F cup波妹柳岩大戰港產女神周秀娜,除咗胸戰連場, 2人仲會大爭林家棟。雖然周秀娜爭輸咗,但係都擸番個富二代張翰補數,皆大歡喜!

咁套戲講乜㗎?嗱,係講吳千語同富豪才俊張翰搞緊世紀婚宴嘅時候,飾演偵探嘅古天樂竟然嚟到,調查一宗一屍兩命嘅命案咁囉!又死人又查案,唔似柴娃娃嘅賀歲片喎!有新意呀!

周秀娜雖然爭輸咗林家棟,但一樣冧掂飾演富二代嘅張翰,喺宴會入面張翰仲跪低幫周秀娜着鞋,十足《灰姑娘》情節。

#富二代#周秀娜

周秀娜喺戲入面要一人分飾六角,又做舞小姐又做售貨員兼扮千金小姐,好多發揮。

黃百鳴不惜公本,淨係婚宴呢場戲嘅佈景道具都過千萬,聽講一個花樽都要 4千蚊。

內地女星柳岩喺戲中大騷 F cup身材,最後仲同咗長毛林家棟一齊。其實柳岩喺國內屬歌影視三棲,去年底仲推出新歌〈情路透春光〉。

#國產 Fcup#柳岩

《浮華宴》玩大膽創新,造型多多,除咗娜姐有林亞珍造型之外,製作人員透露黃百鳴都有好多特別造型,有次走入化妝室竟然冇人認得佢。

網上圖片

曾志偉今年就唔同黃百鳴鬥喇,仲調轉頭幫拖添,今次再同毛舜筠演夫妻。

《浮華宴》原本叫《神探駕到》,有古天樂、吳千語同十幾位巨星客串。

#串星#賀歲戰



鍾意就快D Share啦!