網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年1月21日 星期三

[FACE - 400 - 外地娛樂] 二撇雞神偷 尊尼特普華麗回歸 MF,




尊尼上年改邪歸正拍《超越潛能》扮科學家劣評如潮。今年轉拍喜劇《華麗怪盜》,跟《超越潛龍》拍檔 Paul Bettany再合作。電影講尊尼飾演的無敵佳,表面係貴族,真正身份係專偷藝術品嘅怪盜。為還債,尊尼幫敵人尋回名畫換取優厚籌金。

西區

二撇雞神偷 尊尼特普華麗回歸

怪雞鼻祖尊尼特普,無論演出《魔盜王》以至《獨行俠》,都鍾意扮鬼扮馬畫大花面,要人認佢唔到。難得尊尼哥近年反樸歸真,新戲《華麗怪盜》中,尊尼便以真面目再加佢親自構思的二撇雞新 look示人,靚仔番晒。

尊尼拍住影后桂莉芙柏德露主演的《華麗怪盜》,講尊尼飾演的貴族神偷,智取西班牙畫的故事。今次身兼男主角及監製的尊尼一於博到盡,玩胸襲、甩褲及出浴戲,華麗背後原來好低俗。

尊尼的二撇雞怪盜造型,聽講由他親自構思?

呢個二撇雞怪盜 look,由尊尼親自構思。由於尊尼經常用梳梳鬚,搞到梳爛 30撮假鬚。

尊尼飾演的怪盜無敵佳勳爵,為了創造全新怪盜形象,尊尼親自落場構思。聽講尊尼首次跟電影化妝師見面時,已親自繪畫一張鬍鬚構想圖給化妝師參考,尊尼開到口,當然無人敢反對,最後拍板用二撇雞怪盜造型。由於假鬚極之脆弱,拍攝整套戲,尊尼哥報銷了 30撮假鬚。

套戲講尊尼係貴族,但點解佢會玩甩褲、胸襲等低俗橋段?

其實尊尼飾演的怪盜,表面上是貴族,實質是一名遇神騙神的神棍。據知因為《華》片是走喜劇路線,所以尊尼與導演大衞高普開會後,認為一個外表高貴的人,做出低俗行為可做出強烈對比,效果能令觀眾留下深刻印象,所以決定在片中加插甩褲及胸襲等橋段。

尊尼自度同敵人追逐時突然甩褲戲份,目的只為增強喜劇感。甩完褲,高貴嘅尊尼仲向索女施展鹹豬手,當堂 cheap晒。

影后桂莉芙曾呻過同尊尼一齊拍戲好大壓力喎?

42歲的桂莉芙飾演尊尼的靚靚老婆。雖然桂莉芙已入行 26年,又攞過奧斯卡影后,演任何戲種都應該冇難度,但接受訪問時她竟自爆:「唔好睇尊尼平時個樣好正經,其實佢好風趣,正因為咁我先覺得好大壓力,試過拍一場講我哋鬥氣嘅場口,因大家經常忍唔住笑,最後 NG成 15次先拍得成,對我來講真係一個紀錄。」

難得請到影后桂莉芙助陣,尊尼當然用到盡。飾演兩夫妻的尊尼同桂莉芙不單上演親熱戲,仲一齊出浴嬉水,勁浪漫!

除尊尼外,仲有影后桂莉芙飾演尊尼老婆;而伊雲麥葵格飾演尊尼情敵,片中伊雲經常借搵名畫親近桂莉芙,搞到尊尼勁呷酷。

《華麗怪盜》 上映日期: 1月 29日



鍾意就快D Share啦!