掃呢頁CODE去手機

2015年1月21日 星期三

[FACE - 400] 救唔番 舊將唔撐 亞視騎呢救亡騷掠水 亞視,MF,




亢帥克、羅力威兩位都係《星光幫》出身,之後亦分別簽咗太陽娛樂同英皇,亢帥克就肯免費做騷,不過羅力威就冇表示喎。

真面目

救唔番 舊將唔撐 亞視騎呢救亡騷掠水

亞視冇錢出糧,至今 12月上半月糧都未有着落,呢頭等老闆收購,轉頭亞視本週五( 23日)又話搞救亡騷,一早轉投英皇的羅力威當然唔撐舊主,原本一班星光幫都會幫亞視免費開騷籌旗,可惜亞視又嫌得星光幫唔夠撐,於是再搵嚟顏福偉、宮雪花等上台,至於一班亞視 icon鮑姐、姜皓文、肥媽都竟然冇人叫佢哋幫手,想睇又要畀 750蚊先有得入場,不如等 7月 14日先做畀鬼睇啦咁!







亞視因為股東問題發生拖糧事件,至今 12月糧仍未發放畀員工,除咗等老細打救,亞視本週五( 23日)亦自發搞《萬眾同心撐亞視》救亡騷。原意就係好似大台巡禮咁招呼廣告商入場睇騷,原本成班星光幫都拍心口免費做騷,但最後只因為亞視覺得星光幫唔夠號召力,又想坤廣告商畀錢,惟有將星光幫表演時間大縮皮,攪到唔少星光幫打退堂鼓。

原本應承出席嘅有近年網上教化妝出哂名嘅譚杏藍,她說:「原本成班諗住返去聚舊,亦係幫亞視員工薪金做騷籌款,但之後性質變咗,我知張飛好貴,成 500蚊(實為$750)。我哋好多都覺得唔同晒,所以唔返喇。」現只有亢帥克答應出席,但只表演得一首歌加大合唱做布景。

而成個救亡騷喺亞視大埔總台搞,由七點到 11點,除了零星《星光幫》,估唔到唔少亞視 icon如鮑姐、姜皓文、肥媽都冇人叫,反而請咗顏福偉同宮雪花孭飛,花姐話:「我會同葉家寶唱歌!其他就未決定。」至於入場費原來相當乸利,葉家寶話:「我哋主要招呼廣告商,幫襯我哋廣告套餐就有,價錢由 2萬 8至 100萬都有。」而市民想睇騷,則先要用 500蚊入亞洲會(即係乜?即係以亞視名義做慈善活動嗰個囉!),然後再畀 250蚊入場,即係 750大元,平過睇國際 G.E.M.最貴飛少少,抵

亢師克(箭嘴)現為太陽娛樂藝人,但前週日( 11日)亦肯着住亞視 tee幫亞視出席百萬行。

呢張海報,似申請綜援多過似開騷!

福仔表演

顏福偉當晚亦會出席撐亞視,至於會唱咩歌,佢就以開會為由拒答。《蘋果日報》圖片

花姐唱歌

亞視有活動一定有花姐,她說:「我會表演唱歌,可能同葉家寶合唱。」

老薑冇人搵!

亞視藝人幾乎一隻手數得哂,但今次救亡騷竟然一啲亞視 icon例如鮑起靜、姜皓文及肥媽等都冇人揾,真係有啲騎呢。

姜皓文:冇人通知我!

肥媽:我日日有工開,但冇人搵過我!

譚杏藍:成件事好似變咗質,所以我同唔少星光幫決定唔去!

鮑姐:冇人搵過!

蔡國威:我會同劉錫賢、朱慧珊做司儀!當然呢個係免費騷,我亦冇所謂!

黃夏蕙:未有人搵我!但一定出錢又出力!

亞視千奇百趣

亞視作品由新聞到 live show,一定係騎呢百出。本週五( 23日)又有大騷,一眾花生友必定買花生睇好戲,一齊重溫下先

12年亞視喺北京 55週年台慶, 3個鐘節目,事後更有掟壽包落空櫈。(電視畫面)

11年亞視新聞誤報江澤民死訊,之後更接到 45宗投訴。(電視畫面)

06年 AC米蘭訪港期間,撞正亞視台慶同意大利球星岩布仙尼生日, A米球星被迫唱生歌送俾自己。(電視畫面)



鍾意就快D Share啦!