熱爆娛樂: [FACE - 400] 吹雞走人　鬥輸山姐　敗走樂易玲拉隊過 now 樂易玲,MF,

2015年1月21日星期三

[FACE - 400] 吹雞走人　鬥輸山姐　敗走樂易玲拉隊過 now 樂易玲,MF,

去年底約滿

55歲樂易玲加入大台 11年，一度呼風喚雨，只是如今老細換咗人，嚟緊帶埋胡杏兒過檔成為佢首要任務。

真面目

吹雞走人　鬥輸山姐　敗走樂易玲拉隊過 now

大台除咗姐仔鍾意鬥，其實高層鬥得更加血肉淋漓，之前樂易玲同曾勵珍互鬥，家陣多個山姐余詠珊加入，三女惡鬥互有死傷。

中期戰報，暫時以獲新老闆殼王陳國強信任的山姐領先，另一製作部高層珍姐穩守次位，而前朝老闆六嬸方逸華愛將樂易玲，則似大勢已去大權旁落。難怪最近有傳她將會拉隊轉投已獲發免費電視牌照的 now TV，集齊大台小生花旦過檔更是她首要任務。

其他影片：>>鬧輸山姐　樂易玲拉杏兒卓𦏁楊怡過 now

自從在大台失勢後，頭號愛將林峯率先離巢改簽英皇。據知樂易玲亦將於年中離巢兼轉會改投已獲發免費牌照的 now TV，同樣執掌藝員部，靠她的江湖地位吹雞搵人埋班。

自從余詠珊回歸大台後，權力穩步上升，唔使 2年時間已經同曾勵珍平起平座！

貴為 now首席副總裁，何麗全主力打造免費電視，不過何否認樂小姐過檔。

目標兩旦一小生

據知 now台藝員部有意效法外地電視合約藝員制度，即不會限制藝員只能在一台亮相，而樂易玲撬走目標包括已於去年底約滿的胡杏兒、將於今年 5月約滿的吳卓羲及年底約滿的楊怡，據知 now除了肯出高價外，更以合約自由度高作誘因吸引一班大台小生花旦加盟。

對於種種傳聞，週日（ 18日）本刊致電負責統籌 now免費台的首席副總裁何麗全，他例牌否認：「我哋未正式開始製作，冇咁快，樂小姐在 TVB做得咁成功，佢點會走呀？我哋暫時都係以同內地合拍劇為主。」至於樂易玲則至周一截稿前仍未回覆。