掃呢頁CODE去手機

2015年1月28日 星期三

[FACE - 401] 前度分手重創  57歲炒股佬打救 揭吳若希吞安眠藥自殺秘史 吳若希,MF,




時下唔少青少年諗唔通就想自殺,吳若希 13年亦自爆曾因為抑鬱而吞安眠藥企圖自殺,而那時亦是她剛分手不久。

封面

前度分手重創  57歲炒股佬打救 揭吳若希吞安眠藥自殺秘史

今時今日有邊個唔識吳若希( Jinny),一首〈越難越愛〉連大台頒獎禮的「金曲金」都攞埋, 22歲出道 5年唔夠,大台要你上位真係唔使問點解!

不過風光背後,吳若希都有慘情一面。去年原與比自己大 15年的男友拍得好哋哋,男友媽咪一聲令下要棒打鴛鴦,吳若希馬上失戀,加上小腹生瘤,吳若希一度患上抑鬱症,仲試過食晒成樽安眠藥自殺!大難不死,必有後福,之後吳若希即遇上現年 57歲、陳淑蘭前男友王弼燮。最近更傳出「父女戀」,有股王王弼燮打救,吳若希事業同人生齊升呢!







即將 23歲的吳若希( Jinny),貴為大台新貴,就算經驗欠奉仍然機會大把,不但被派去做主持,更有份參演劇集,又唱埋主題曲,萬千寵愛在一身。

男友阿媽拆散

去年 10月有多張跟前度的親密照流出,吳若希又自稱做男友「一世的小貓崿」。

網上圖

吳若希承認自己有二個微博戶口,唔係用自己名開嗰個就曾經放過多張與前男友咀嘴相上去,她自稱唔知點解會流出。

網上圖片

大受打擊自殺

笑容背後,吳若希其實都受過傷。 13年她對傳媒自爆有一大 15年的男友,可惜最後因男友母親反對而無奈分手,加上吳若希當時發現腹部生瘤,患上「功能性水瘤」屙血,雙重打擊下患上抑鬱症,更試過鯨吞一樽安眠藥企圖自殺!她 13年 5月就向傳媒自爆曾「食咗成樽安眠藥」,更患上抑鬱:「都食咗大半年情緒藥,𠵱家好番晒,但如果情緒唔穩都要再食藥,但就唔使長期食。」

好彩傻女吳若希執番條命,踏入 14年加盟星夢娛樂後,事業開始起飛,同時間,原來吳若希亦靠帶她入行、她口中稱為「老豆」的 Simon(戴榮添)而與不少金融佬混熟,其中傳出大她 35年的緋聞男友就是陳淑蘭的 N年前男友,現年 57歲的王弼燮( Jason)!

上一個男友大自己 15年,今次挑戰大自己 35年的 Jason。據知二人地下情近一年,雖然不被友人睇好,但 Jason對吳若希確係「越來越愛」,有說吳若希更帶 Jason返家見家長,難得 Jason深明女友正在上位期,戀情不便公開,故十分配合發展地下情。

陳淑蘭曾跟王弼燮在 88至 91年間拍拖,蘭子話已很久沒見他。

蘭子舊愛王弼燮

《蘋果日報》圖片

唔知喎!我好耐冇同佢(王)交往,我點知男人鍾意乜嘢!唔係咁方便評論人哋私人生活!

真實對白

「老豆」搭路

Simon戴榮添係發掘吳若希入行嘅恩人,吳若希稱他做老豆,關係密切,但環顧吳若希身邊嘅男人,真係年紀較大嘅居多喎!

13年發現患上「功能性水瘤」嘅吳若希,曾經喺拍攝期間因下體出血而到急症室檢查。

13年 4月宣布同男友分手, 14年 8月睇戲仍令佢感到心痛。

去年雖然係吳若希辛苦嘅一年,但換來揸靚車住靚樓嘅機會,辛苦啲都抵囉!

「唔接受 34歲以下男人」

唔介意同「大叔」拍拖,吳若希更直言試過窮滋味。家鄉在福建,家住 2千呎大屋的吳若希,因 10歲時經歷過家道中落,舉家搬到香港屈住 4百呎公屋,為慳錢每日行半個鐘路返家食飯。「食大家樂或者大快活好似好普通,但我想食一餐午餐的話,就要捱足一星期麵包、牛奶。」

「因為窮過,我知道捱窮嘅感覺」,吳若希搵錢目標清晰,同樣對男友的要求她亦明確表示:「我接受男方大過我好多,無特別年齡限制,之前同我拍拖 4年個男友,都大我 15年,我唔能夠接受 34歲以下嘅男人,覺得佢哋到咗 35歲先會開始懂得人情世故。」

如今王弼燮大足吳若希 35年,曾經是「股票神童」的他,人生高低都試勻,啱晒吳若希口味喎!

福建妹吳若希中五畢業做𡃁模

向來瘦底嘅吳若希,中學就讀廖寶珊紀念書院,有傳她一向發明星夢,中五畢業後,亦曾經做過𡃁模影過性感相,只可以講相當骨感囉!

網上圖片

小時候在福建住 2千呎大屋,可惜家道中落, 10歲與媽咪、細佬、公公婆婆搬嚟香港住 400呎屋仔。

細時個樣除咗包啲外,同𠵱家分別不大,唔怪得冇俾人話整容

以往林峯嘅〈 Chok〉攞金曲金獎引起民憤,今年吳若希嘅洗腦〈越難越愛〉大家預咗係佢攞喎!

《蘋果日報》圖片

去年初加盟星夢娛樂,吳若希即被影到黐住老闆何哲圖行街街。

攝石若希攝中 10男

吳若希被指未夠班攞金曲金獎,同祖兒一張合照就被指為攝石經典示範,其實吳若希除咗攝上鏡叻,埋仔身一樣好耍家,出道 5年,傳過緋聞的男友超過 10個,巧叻叻!

戀父唔係病態

身心行為學家

李寶能

據身心行為學家李寶能表示,愛上較自己年長 30歲的男人,有兩個可能性,一係女性想要男人較有實力,或者覺得男性去到呢個年齡層唔會有太多機會搵其他女人,同佢哋一齊會安心點;另一個可能性,係大氣候轉變,同年齡嘅男女一齊成長,但現今男性太脆弱,根本駕馭唔到同齡女性,因此都會令女性選擇年紀較大嘅男性拍拖。所以戀父絕對唔係病態。

過山車人生

王弼燮( Jason)原名王正中, 88年與陳淑蘭拍拖而登上娛樂版,不過 91年同蘭子分手後就慢慢消失。畢業於美國賓州大學,父母經營股票行的 Jason,當年任職美國信孚銀行經理,有「股票神童」之稱。可惜 98年金融風暴後,正達證券倒閉,清盤後 9,500名客戶捐失共 14億, Jason最終申請破產,期間又涉嫌做假帳而被捕,最終判緩刑 3年。

現年 57歲嘅王弼燮, 88年曾經係陳淑蘭男友,估唔到 15年佢已經成為 22歲吳若希的緋聞男友!



鍾意就快D Share啦!