掃呢頁CODE去手機

2015年1月19日 星期一

G.E.M.經理人張丹重提記招:所有問題要留難佢 G.E.M.,G.E.M,張丹,鄧紫棋,




【世界級公關(1)】G.E.M.經理人張丹重提記招:所有問題要留難佢

2015-01-19 17:56:00



o依家高登有人開公投po,究竟謝安琪同G.E.M.個經理人,邊個係世界級? (攝影:馬建華)

「宇宙巨G.E.M.」一連5場香港演唱會噚日結束,其他區域觀眾可以順利離場,唯有坐喺$898蚊區域觀眾,離場時要經過防盜通道,以免佢哋帶走借用價值280蚊獨家「太空手帶」,由於防盜裝置會響,工作人員要不停截人查問交出手帶未。

G.E.M.經理人公司原先表明尾場不安排任何採訪,不過可能有兩間電子傳媒報道方針合乎佢哋要求,所以有線電視同內地網樂視獲安排後台訪問。G.E.M.受訪期間,經理人張丹零晨12點同工作人員步出後台,同場外等候以強國年青Fans為主嘅百幾位Fans拍紀錄片,佢要求Fans講出感受同唱歌。

對於鬧出五張假飛,紅館方面報警求助,張丹喺場外指從傳媒口中得知,以往喺大陸演唱會發生過類似事件,交由主辦跟進,今次事件同樣交畀主辦方負責。佢表示滿意今次演唱會成績,稍後會繼續巡迴演出,最快會係新加坡站。

對於是次演唱會唔安排文字傳媒採訪,佢話:「娛樂記者專登搵嘢寫衰佢,咁想大家焦點放喺演唱會度,如果畀所有採訪記者去做而達唔到呢個目的,咁我哋發文字內容。」至於何時接受文字記者訪問,佢就話要等待香港娛樂記者操守好轉先,佢話:「香港娛樂記者覺得出咗你就益咗你,出你嘅時候就搵啲唔屬實醜聞,或者唔屬實歪理嚟寫,呢個有啲唔健康,快啲香港可以改,等大家見返一個尊重嘅娛樂圈。」

講到o依家香港娛樂圈只得G.E.M.覺得有呢個問題,而用呢個方法去暫時唔接受文字記者採訪,張丹表示從以往至今都有好多藝人好多次採取呢種方式,叫佢舉例有邊位藝人時,佢就話:「唔記得啦,你哋(傳媒)話呢,你哋應該清楚過我。」當傳媒指事實上冇時先向佢求証詳情,佢就重提當日演唱會記招事件話:「上次做記者會好好地安排好,G.E.M.坐喺台上做記者會,大家要攪到咁複雜。之後文字、電子分開訪問時,所有問題又要玩佢、留難佢,好似話係咪好勁變國際星,同劉德華都唔會咁做係咪扮大牌?」傳媒再次向佢表明劉德華真係會分別接受各大傳媒訪問,而要求坐台上受訪,喺香港亦只係國際巨星級數先會有咁要求。傳媒再次表明當日記招舉行前,以及佢哋喺台上,傳媒再三查問可否分開文字與電子傳媒訪問,只係經理人公司方面充耳不聞。

當日報道: http://hk.apple.nextmedia.com/enews/realtime/20141118/53141777



張丹只係容許一啲合符佢理想中嘅報道嘅傳媒先入得場做採訪,呢方面又幾似香港政府。



鍾意就快D Share啦!