網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月6日 星期五

[忽然1周 - 1019] 剝衫戲最多 脫片大收 袁嘉敏遭杯葛:我好孤立 袁嘉敏,BKD_S,MW,




袁嘉敏雖然是女主角,但實質上只是 Dominic的陪襯品。

滾熱辣

剝衫戲最多 脫片大收 袁嘉敏遭杯葛:我好孤立

袁嘉敏( Candy)擔正的三級片《鴨王》上映 6日,截至周二( 3日)的票房收 308萬,成績斐然。外界指袁嘉敏憑《鴨》片上位及脫得有價值時,她自嘆只是陪襯,《鴨》片其實是王晶捧男主角何浩文( Dominic)的工具。

「漏片」後,全城狂插袁嘉敏造型「娘爆」,其實拍攝時髮型唔靚她已出過聲,但冇人理,加上其他演員何佩瑜( Jeana)及 Dominic不時單單打打,遭杯葛的袁嘉敏深感壓力。脫星路唔易行,唔覺得自己一脫成名的袁嘉敏,對未來好迷惘,更說:「我好孤立。」









袁嘉敏說唔排除再脫,但一切都要睇咗劇本先。

《鴨》片上周四( 29日)上映,袁嘉敏話就話係女主角,但戲份不多,只佔三分一,角色及對白不及 Jeana搶鏡。不過,外界視為焦點的剝衫性感戲,袁嘉敏則做得最多,被姦、玩 SM、沖涼、肉搏樣樣齊,更有人體大特寫。

其實,她早知在《鴨》片只是陪襯,外界以為她很進取,其實她很清楚自己的位置。她說︰「一年前王晶搵我拍時,已講明係捧 Dominic,而且部戲叫《鴨王》,一定係佢最多戲份。晶哥一路都冇話捧我,只係搵我做呢個角色,係比較『吃重』。我覺得有喜怒哀樂可以演,同埋比以前嘅電影 air time係多啲囉。我本身冇讀過乜嘢戲劇學院,我當《鴨》喺自己嘅 profile。」

對最近被指「一脫成名」,袁嘉敏則說:「冇呢嘢樣囉!人哋睇到你呢套戲得,但唔係代表下半世唔使憂,我仲有一條漫長嘅路囉。」對於將來的事業,她只是見步行步:「香港好似無乜我呢個年紀嘅(踏正三十歲)演員。(有優勢?)唔係㗎,我好孤立㗎。」

《鴨王》雖然是非多多,但票房走勢凌厲,證明愈多是非愈有宣傳效果。

《鴨王》戲份集中 Dominic一個人身上,袁嘉敏只是陪襯。

每次出席任何《鴨王》宣傳, Jeana同 Dominic都彈到老遠,刻意排斥袁嘉敏。

袁嘉敏除了船上被插爆的「娘」造型,亦有貴婦造型。

[合作日半是非不斷]

《鴨》片宣傳以來,袁嘉敏與 Dominic及 Jeana針鋒相對,人哋擺明夾埋唔妥佢。對此她很無奈:「佢哋係 friend,又同一間(經理人)公司,其實我同 Jeana只係拍咗日半戲,之後都無佢哋電話,唔明點解會咁。」

近日有傳電影會有加長版,但電影公司表示暫無意剪多個加長版。問她驚唔驚再有漏片事件,而且尺度更爆,袁嘉敏說:「唔驚得咁多,我覺得呢個世界有因果,希望大家有正能量,顧吓人哋感受。天理有循環,我只希望大家當電影去睇呢件事發生,做呢啲嘢嘅人會有因果(報應)。」

袁嘉敏自小家境貧窮,生活環境惡劣,故長大後她說追求 the best。

《鴨王》上映 6日已經有 308萬票房,成為同期上映電影的冠軍。

[鐵皮屋長大]

袁嘉敏出身草根,當年父母死慳死抵送她去澳洲讀書,都是想她用知識改變命運。自小家境貧窮住鐵皮屋,令她矢志脫貧:「我出世到十歲都住喺鐵皮屋,周圍冇牆㗎。十一歲屋企人先上公屋,童年時居住環境好差,周圍野狗、針筒。加上自己個樣有少少 mix,同學會覺得我奇怪。童年時乜都冇,乜都係 the worst(最差),所以長大後我就要 the best(最好),係一個反差。我追求華麗、五光十色嘅嘢,呢一行彌補到我童年時嘅缺失。」

父母是小販,所以袁嘉敏十三歲往澳洲讀書的十六萬學費,亦是他們死慳死抵儲返嚟,而她留學期間亦要做幾份工賺取生活費。可惜 03年「沙士」,父母支撐不了學費,她被迫返港,「返嚟頭一年我要做嘢賺錢,第二年自己寫信去中大、浸大,最後得港大收我,所以就將澳洲嘅學分轉返香港,然後半工讀。」捱到個大學學位,最後卻要以身體來賺錢,都算是人生一個大諷刺。

喺鐵皮屋長大嘅袁嘉敏,到 11歲先至可以入住一個有牆嘅家。

袁嘉敏在澳洲讀中學時,雖然要做多份兼職搵生活費,但可以說是佢最開心的日子。

網民熱批《鴨王》

《鴨王》上映一個星期,即被網民熱烈批評,話侮辱咗男性。

近年 5大華語三級片票房

香港最賣座的三級片,除了賣弄色情之外,恐怖片《殭屍》亦取得不錯的成績。

第一位

《 3D肉蒲團之極樂寶鑑》 2011年 4,107萬

第二位

《低俗喜劇》 2012年 3,006萬

第三位

《一路向西》 2012年 1,925萬

第四位

《殭屍》 2013年 1,716萬

第五位

《飛虎出征》 2013年 1,674萬

鍾意就快D Share啦!