網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月13日 星期五

[忽然1周 - 1020] 谷 42吋胸任抽水 柏豪任君如詩雅食豆腐 柏豪,吳君如,君如,BKD_S,周柏豪,MW,




君如抽水

見到周柏豪騷肌,呢場戲冇份拍嘅吳君如都忍唔住衝埋過去,黐實型男。

娛樂喧

谷 42吋胸任抽水 柏豪任君如詩雅食豆腐

去年吳君如的《金雞 sss》橫掃香港票房冠軍,食髓知味,她今年再下一城,裝胸巨肌、假鬚,女扮男裝炮製《 12金鴨》。

一班型男劉浩龍、 Babyjohn及姜皓文為《 12金鴨》做鴨仔,就連首奪「叱咤男歌手金獎」的周柏豪都要處男下海。戲中飾演甜品師傅的柏豪,為冧女騷胸肌,仲要俾君如、詩雅輪住抽水食豆腐,真箇為藝術犧牲。







大癲大肺君如見親型男都好熱情,坐大髀濕濕碎!

今年賀歲檔期吳君如反串做鴨仔,開拍《 12金鴨》,唔少型男為君如獻身騷「波地」做鴨,當中包括「 XO鴨」任達華、「健身鴨」古天樂,「老鴨」盧海鵬,以及陳奕迅、黃秋生、鹿晗排隊亮相。

一班型男雖然肯做鴨,可惜《 12金鴨》冇牀戲,不過他們個個 body精壯,好有睇頭。好似潮男周柏豪亦瞓身做鴨,為了冧戲中女學生,一邊發蛋一邊震波,仲要俾鹹濕學生詩雅抽水,捽胸兼彈到一身 cream,認真肉緊。

五大猛男

除有「金鴨」劉浩龍、「銀鴨」 Babyjohn及「潤鴨」姜皓文之外,吳君如女扮男鴨,而任達華更客串,飾演「 XO鴨」。

君如嗌坐大髀

柏豪早前開騷,已練出一副好「波地」。為咗谷行 42吋胸,他亦做足準備:「拍攝前,我都有喺現場,搵個暗角位狂做掌上壓,等啲肌肉望落去『行』啲。」

拍攝當日本來冇吳君如份,不過有型男在場,君如當然要突擊探班。當見到一班女演員又捽又摸柏豪胸肌時,本來齋睇的她,亦忍唔住加入抽水行列,仲話:「員工福利呀!哈哈……我都好想搓麵粉呀!可唔可以坐柏豪大髀……

星級串星

陳奕迅今次飾演髮型師,幫君如執靚個造型。近年有脫髮危機嘅佢喺片中是長毛,仲「黐脷根」,十分搞笑。

除了容祖兒之外,梁洛施亦是一班鴨仔嘅星級顧客,佢仲睇中君如,認真重口味。

詩雅讚 42吋胸肌

君如向來大癲大肺,就連平日斯斯文文的詩雅,亦愈摸愈興奮。詩雅話:「嘩!柏豪嗰啲好爆嘅肌肉真係非常之吸引……呢一場戲要俾番錢導演同監製,呢啲真係叫又食又拎喇!」

被君如同詩雅食豆腐,柏豪好尷尬,只一味話:「多謝俾面、多謝俾面!」問他現實中有冇試過俾女仔性騷擾,柏豪面紅紅話:「梗係冇啦,冇咁誇張!」君如就繼續讚柏豪:「我頭先見柏豪發蛋,右邊胸都識震……(點解搵佢客串?)我見到柏豪喺演唱會操得咁弗,覺得唔好嘥,咪搵佢囉。柏豪好合作,我真係要錫啖佢。」

君如仲話如果《 12金鴨》拍續集,會加重柏豪戲份㖭!

詩雅搽 cream

劇情講詩雅同一班女學員,喺柏豪身上搽 cream。詩雅借啲意摸落柏豪胸肌度,成個狼相出晒嚟。

暗角谷肌

埋位前,柏豪都連做幾十下掌上壓,谷一谷肌肉。

晒金粉肌

上年柏豪都有喺演唱會騷肌,不過當時佢一身金粉,睇得冇《 12金鴨》咁清楚。

三大必睇位

君如出品必多串星,《 12金鴨》都唔例外,以下三幕更是必睇笑位。

同霆鋒玩閹

有一幕講吳君如讀中學時,與同學霆鋒玩「互閹」。導演鄒凱光話:「佢(君如)長期用毛巾塞喺下體,讓佢有種『哽住』嘅感覺,佢嗰日同霆鋒『玩閹』,拍咗好多次,我同君如講『你輸經驗囉!』」

王菀之晒泰文

Wyman同王菀之在片中是泰國人,兩人其實只是即場學,不過講到鬼咁流利,唔似都講到似。加上兩人本身已經充滿喜劇感,贏晒啦。

再遇小龍女

古天樂同李若彤在《神鵰俠侶》合作,已經是 20年前。兩人在《 12金鴨》再遇,「姑姑」更再向「過兒」傳功,夠晒搞鬼。

鍾意就快D Share啦!