[忽然1周 - 1020] 裝修使突 諗計填數 王祖藍慳娶李亞男 祖藍,李亞男,王祖藍,MW,

志偉搭路攞餅

志偉一向同祖藍好 friend，同高度啱嘴型嘛！又咁大間「奇華」喺度，無理由唔幫世姪攞啲禮餅嘅，又得咗！

媽咪姐

裝修使突　諗計填數　王祖藍慳娶李亞男

啲人成日話矮仔多計，真係無講錯㗎！有辦你睇，得 5呎 3吋嘅王祖藍，為咗高攀 5呎 9嘅李亞男，短短幾年就由個兒童節目主持仔，做到自己揸 fit開劇，仲扮嘢扮到上埋強國搶人仔，終於嚟緊嘅情人節（ 14日）得米喇！娶得美人歸，恭喜恭喜！

不過世事嘅嘢，總係冇咁完美——唔使驚，準王氏夫婦打風都打唔甩！只係之前祖藍諗住掟 3百幾萬裝修佢間 4,000呎獨立屋，點知搞咗成年，收番嘅係間漏水屋，仲使突咗百幾萬，埋單要 5百萬！不過都係唔使驚，祖藍喺大廳！佢見裝修費愈加愈多，已經諗定計仔去填番條數喇。好似上年拍《老表，你好 hea！》嗰時，祖藍就特登將郭晉安同萬綺雯嘅結婚團圓大結局安排喺迪士尼拍，同樂園 PR打好關係，跟住佢就打蛇隨棍上，幫自己攞番個靚折，仲免埋酒水。擺幾十圍喎，梗要慳啲啦 baby！

祖藍仲本住出外靠朋友嘅中國人偉大精神，拍膊頭搵咗唔少老友做義工呀贊助吓呀。咁準老婆李亞男都唔係繑埋雙手嘅，呢排就算忙住搞結婚，都仲成日接 job出 event。連祖藍都笑佢：「佢預計到婚後冇零用錢使，所以要積穀防饑！」兩公婆都咁知慳識儉，呢啲咪夫唱婦隨囉！

搵舊客 sponsor

去馬爾代夫度蜜月，一直係唔少港女嘅夢想。祖藍就醒喇！搵咗自己做過代言人嘅專業旅運 sponsor佢同亞男去嗰邊影婚紗相，順便預支蜜月。你睇祖藍 post上微博嘅相，都有埋人哋公司名㗎（右圖圈中），襟撈囉！

嗯，飛去馬爾代夫玩一轉，兩個人閒閒哋使 10萬。 No problem，查實祖藍已經搵埋「香港航空」 sponsor，幾時去多轉都得，真係抵錫嘞。

拍劇多着數

藍男婚宴場地係邊？咪就係上年《老表，你好 hea！》 ending嗰個迪士尼大禮堂囉！迪士尼有大台劇宣傳，即刻俾個擺酒大優惠祖藍。

仲有呀，佢哋除咗試菜唔使錢，依家得閒入迪士尼食 buffet都免費㗎。上年 11月，《忽周》就影到祖藍、亞男兩家人去迪士尼試酒席，入面嘅花膠湯同原隻菜膽鮑魚，正！

Eric So義畫喜帖

Woo，呢張喜帖係咪好 cute呢！之唔係知名設計師 Eric So design㗎囉，佢仲係義工嚟㖭。點解呀？佢女朋友係王菀之嘛，明晒。

祖藍阿爸 46歲就因腸癌過世，之前有報道話祖藍係患腸癌嘅高危人士。準王太李亞男就好細心咁搵咗「擺脫便秘蔬果汁」嘅製法，仲 post埋上網。祖藍即刻 sweet讚好，真係再辛苦啲都抵

祖籍上海嘅李亞男自細喺加拿大長大，父母視佢如珠如寶，想女婿係王力宏級數。所以兩年前，祖藍先豪使千三萬買大埔雅景花園獨立屋，顯示財力同娶妻誠意。點知，裝修咗 15個月，使咗 5百幾萬，竟然收番間漏水屋，失咗預算！好彩矮仔有計啫。

圖片

呀！似我咁慳喎！

鍾意就快D Share啦！

下一篇 》