掃呢頁CODE去手機

2015年2月13日 星期五

[忽然1周 - 1020] 謝天華換車 保護囝囝 謝天華,MW,




老婆 Tina未出院, Laughing仲可以揸住佢架兩個轆去醫院扮型,但係依家三人行,型呢啲機會,已經不是佢的。

媽咪姐

謝天華換車 保護囝囝

上個禮拜 42歲嘅 Laughing gor謝天華終於做爸爸,老婆 Tina剖腹幫佢生咗個仔謝浩飛( Theo),聽個名都係型嗰堆!

媽咪姐同 Laughing平時都有幾句,前幾日去咗醫院探吓 BB,去到咁啱撞到剛到嘅 Laughing揸住架綿羊仔嚟,睇造型真係冇得輸呀!佢同媽咪姐講之前已經搵做咗爸爸嘅陳小春取經:「佢嗰個都係仔,搵佢傾吓父子經。 BB得幾日人仔,餵奶唔使我操勞,我抱嘅手勢唔正確,搞到佢唔係幾舒服。」仲話自己依家瞓覺好易醒,因為要湊 B,邊學邊做。

睇佢講起 BB個樣笑到四萬咁口,慈父 look出晒嚟。接 BB出院嗰陣, Laughing換咗架七人車,仲手不離籃,保障 BB嘅安全。男人果然有咗小朋友,係會變㗎!

Laughing話自己連仔都未識抱,但睇 BB剛出世,佢喺醫院抱 B張相,又唔似咁生手喎!

呢日 Laughing去接老婆同 BB,全程負責保護囝囝。睇吓佢坐喺七人車入面,隻手扶住個 BB籃,又幾細心喎!

鍾意就快D Share啦!