網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月19日 星期四

[忽然1周 - 1021] 余文樂悶棍生活 余文樂,MW,




呢日樂仔頭戴冷帽,全副「武裝」咁出巡。錢多,身子係弱少少喇。

媽咪姐

余文樂悶棍生活

余文樂拍過幾多次拖?媽咪姐用 10隻手指都數唔晒!單講你叫得出名又紅嘅,都有盧巧音、阿嬌、黃伊汶、吳雨霏……不過除咗阿嬌之外,其餘 3位舊愛都相繼成為幸福人妻,反而昔日公認嘅溝女王, 33歲竟然仲係單身寡佬喎。

一條悶棍有咩好做?咪同剩女一樣,行街買衫使吓錢囉!見佢試完一件又一件,諗都唔諗就碌卡走人,「庫房」充足真係唔同啲呀!但樂仔一副落寞神情,見到都有啲心酸。不過又唔使愁嘅,冇女陪?咪揸番個正印走囉!唔好心邪,係佢呢架舊年先落地、價值$820萬嘅海豚灰林寶堅尼。真係要揸㗎,不過唔係人人揸得起咁解啫!

余文樂同沈嘉偉咁 friend,買過年衫梗要幫襯番好友,有個靚折嘛!

開車門好似飛對翼出嚟咁,呢個「老婆」型嘅,但唔 warm嘛!

見到阿仔啲前度嫁晒人,樂爸樂媽應該幾心急吓!送咗大大棵桃花去余文樂屋企,希望有幫助啦。

一踏入情人節,新婚嘅 Kary就 post咗張同才俊老公洪立熙依偎住嘅相上網。 Sweet到爆炸!唔知有冇曬親舊愛余文樂呢?

鍾意就快D Share啦!