啜足 15秒
情到濃時，吳浩康當街與大胸妹就地濕吻，更啜足 15秒，似乎他完全冇諗過未婚妻鍾舒漫感受。娛圈賤男人辦又添一個新成員。
打頭陣
背叛未婚妻鍾舒漫 吳浩康偷食大胸妹
曾經因藏毒令事業跌到谷底的吳浩康，近年洗心革面教泰拳、拍戲儲老婆本。與同門的鍾舒漫拍拖兩年的他，早前更自爆求婚成功，鍾亦坦言視對方為結婚對象，二人有望明年拉埋天窗。可惜，世事嘅嘢往往出人意表。
年廿九（ 17日）晚，本刊獨家直擊吳浩康竟背着未婚妻，相約一大胸妹到尖沙嘴燭光晚餐，其間記者目睹吳不時主動摸女方面頰，女方又親餵啤酒給吳浩康飲，親密態度遠超普通朋友。
不過原來好戲在後頭，與大胸妹食飯直落唱 K的吳浩康，離去時竟與女方當街十指緊扣，更旁若無人當街攬啜兩分鐘。
吳浩康偷食斷到正一正，原打算做明年新娘的鍾舒漫，認真喊得一句句。
入行 12年， 31歲的吳浩康，娛圈發展一直麻麻，但異性緣極旺，先後與胡定欣及莊思敏拍拖，但戀情只是兩、三年貨仔便告終，隨後與不同的𡃁模「拍散拖」。直至兩年前與細他一年的同門師妹鍾舒漫撻着後，吳浩康開始積極工作，食老本行教泰拳、組 Band出騷。鍾舒漫亦多次公開讚男友：「佢有責任感，喺唔同嘅情況下好識自強，佢為我戒酒，亦努力戒緊煙，係一個唔容易放棄嘅人。同時佢好保護我，亦好拼命工作。」
餐廳𠵱挹
在餐廳食飯時，吳浩康與大胸妹已肆無忌憚互餵啤酒，玩得甚放，其間吳更伸手摸女方面珠。十分癡纏。
隊酒爆粗
吳浩康為鍾舒漫，表面上修心養性，可惜骨子裏依舊是死性不改。年廿九（ 17日）晚約九時，本刊發現吳浩康背着鍾舒漫，與一名着短裙的大胸妹及另一女友人到尖沙嘴 K-11吃新疆菜。三人選坐戶外吸煙位，酒過三巡，吳開始煲煙及大聲說話，聲浪更惹來其他客人側目，但他一於少理，還不時把頭哄到大胸妹面前，又多番伸手摸對方面頰。大胸妹卻沒有避忌，與他咬耳仔，又餵吳飲自己杯啤酒，親密到儼如一對戀人。此時坐在吳對面的女友人突然對吳大聲說：「冇我，你冇佢」說時指向大胸妹，而吳亦顯得十分輕佻，向該女友人回敬：「係喎！你老 X！」看來該女友人就是吳浩康與大胸妹的「紅娘」。
偷食有前科
吳浩康未與鍾舒漫拍拖前，曾與𡃁模 Olivia（圓圈）拍拖，但吳卻被拍到背着女友，當街對一短裙索女又攬又摷。事後吳回應時竟表示：「我覺得冇乜嘢呀！」
攬啜兩分鐘
兩個鐘後，吳浩康主動碌卡埋單，在大胸妹面前表現風度。之後三人再轉場到尖東安達中心唱 K，記者更聽到他「吹雞」 call了大班朋友前來狂歡。約凌晨一時，大胸妹表示要先行離開。吳送她落樓期間，竟大膽十指緊扣着她步出門口，此時商場外聚集了很多途人，但吳浩康繼續全情投入。
大胸妹在上的士前，吳先攬實對方纖腰，雙目緊閉繼而深情擁吻對方，濕吻過程長達十幾秒，偷食斷到正。錫飽後，吳再攬實女方，表現得依依不捨，二人在街邊講了一陣悄悄話，吳浩康才放女友上的士，臨行時更叫女友：「返到屋企打俾我。」做足「男友」本份，才折返唱 K直落通宵。
其實吳浩康偷食前一晚，他才與正印鍾舒漫到九龍灣 MegaBox睇新片《皇家特工：間諜密令》，更頭貼頭自拍 post上微博。左右逢源，呢個新年，樂享齊人福的吳浩康，應該好唔得閒。
明年結婚
其實拍拖兩年的吳鍾，人前人後表現恩愛，不時在社交網站 post甜蜜合照，肉麻骨痹。即使吳浩康三番四次被拍到約會其他女仔，鍾舒漫一樣力撐到底說：「我知佢（吳浩康）每日去邊，我對佢絕對信任，我只係擔心作為藝人，每次有類似嘅照片漏出去，會影響到形象，如果下次佢出去，我死都跟埋去。」似乎鍾舒漫對男友極之信任。
早前，吳浩康更自爆向女友求婚成功，有望明年拉埋天窗，並透露會不設防生 B：「生到幾多個就唔知，盡多啦，我好鍾意小朋友，都希望小朋友有兄弟姊妹。」鍾舒漫亦表示希望搞戶外婚禮，更夢想在雪地行禮，又甜絲絲大談男友：「佢（吳浩康）係一個好好（結婚）人選，我渴望擁有一個家。」可是，鍾舒漫唔使去雪地，未婚夫如今已一盆冰水照頭淋，多次為吳浩康說盡好話的鍾舒漫，今次睇怕想幫都幫唔落。
新年各自過
鍾舒漫在新年期間，大部分時間都與家人、朋友在一起。至於吳浩康亦偕父親與親友拜年（下圖），連日未見鍾舒漫同行。
鍾：會問番佢
周三（ 25日），記者致電鍾舒漫，她向記者表示在剛過的農曆新年，與吳浩康有互相向對方家人拜年。記者表示拍到男友日前與一大胸妹晚飯唱 K，她表現錯愕：「唔知佢去唱 K喎！」再問其男友當街攬啜另一女仔，她坦言：「我好突然。」至於她會否對男友採取甚麼行動？她即死撐：「我會問番佢，但呢個 moment（意指未看到當晚照片）我依然信佢。」雖然鍾舒漫堅持信男友，但有圖有真相，她今次毫無疑問愛錯賤男！
麻甩本性
吳浩康曾揚言跟鍾舒漫返教會後，做事變得正面積極，但記者連日觀察所得，他不但流連馬會，煙不離手，而且更滿口粗口，麻甩粗鄙性格依舊。
藏毒冇運行
吳浩康 03年甫出道便有「靚仔版陳奕迅」之稱，由於唱作皆能，被英皇視為明日之星。但 04年 6月，他藏有 1.2克可卡因斷正，在尖沙嘴被黑布蒙頭逮捕，事後卻幸運地只被輕判罰款$5,000以儆效尤。自此事業便一池死水，近年主要以教泰拳及拍戲維生。
婚前偷食逐個捉
男人去滾時有聽聞，圈中更有不少女星在結婚前，未婚夫遭踢爆偷食，有女星選擇啞忍，有些撇脫離開，各有選擇。
黃有龍
08年葉翠翠搭上內地富商黃有龍後忽然富貴，但入豪門前卻被趙薇成功撬走，分手後葉翠翠承認男方曾向自己求婚。
|
鍾意就快D Share啦！
|
|
|
