網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月12日 星期四

[壹週刊 - 1301] 俾猩猩咬傷 胡杏兒男友強烈勸退 杏兒,胡杏兒,M1,




在節目中,胡杏兒主力負責照顧兩隻猩猩 BB,更被猩猩胸襲。

探熱針

俾猩猩咬傷 胡杏兒男友強烈勸退

要唧時間同男友 Phil拍拖培養感情外,胡杏兒更要長駐廣州,為內地真人騷節目《奇妙的朋友》做動物飼養員,早前因為要落手幫猩猩抹屎,杏兒被猩猩多次襲擊咬傷,搞到傷痕纍纍。

見到女友受苦,拍拖只有三個多月的男友 Phil趁機要求杏兒收山,唔好再拋頭露面,唔好再做幕前,捱更抵夜。

親手抹屎

即將約滿大台,決定不再續約的胡杏兒,打算離巢後北上發展;為加強自己在國內的人氣,她接了湖南衞視真人騷節目《奇妙的朋友》,與李宇春、倪妮等人做動物飼養員,落手落腳照顧動物,胡杏兒主力負責兩隻猩猩 BB。

在一個月拍攝期內,胡杏兒要長駐動物園生活,每星期只有兩日假期可以外出,在動物園工作期間,電話要被沒收,直到晚上休息時,在特定時間內,才可用電話對外聯絡,規矩嚴苛,對於剛剛同男友 Phil開始發展的胡杏兒,冇時間見面,又唔可以常用電話保持聯繫,極度不方便。

真人騷節目在內地大行其道,無論節目屬任何類型,大前提是「打真軍」!胡杏兒要餵猩猩 BB飲奶外,還要換尿片,落手落腳幫牠們抹屎清潔,全程直擊,冇得造假。

成手傷

胡杏兒俾猩猩咬到同抓到雙手傷痕滿布。

早前胡杏兒忙於拍真人騷,趁有兩日休息時間,專登飛到台灣陪男友出席婚宴。

咬面破相

幫猩猩 BB搞衞生,搞到一手屎時只算小兒科,其實在拍攝過程中,胡杏兒已多次受到猩猩襲擊,被「兜巴星」,甚至多次被抓損手,又試過咬到手爆流血,最嚴重一次,是被猩猩一口噬落面,幸好她反應快向後縮,最終只是損了表皮,否則的話,隨時破相毀容。

被多次咬傷,事後又要捱(破傷風)針,不過胡杏兒並沒有畏縮,繼續埋身照顧兩隻猩猩 B,連動物園的職員,亦對她有讚冇彈。

辛苦有回報!節目播出後,《奇妙的朋友》收視錄得同時段全國第一,胡杏兒因此人氣急升,成為多個搜尋榜三甲人物。

部署脫離大台後北闖,第一階段已經成功,但男友見到女友傷痕纍纍就十分肉痛,要杏兒約滿大台後唔好再續約,亦唔好再做幕前,強烈要求:轉行做人妻。

照顧猩猩外,胡杏兒又要訓練海獅,仲要學埋潛水,打理水族館。

長時間要被拍攝,胡杏兒連敷面膜、用電蚊拍拍蚊過程都要入鏡。

兜巴猩

胡杏兒帶猩猩外出,由於猩猩在陌生環境,所以突然失控,一巴打落胡杏兒面上,又咬了她塊面一啖。

咬面

咬手

要幫猩猩換尿片,但猩猩唔願意,所以一啖狠狠地咬落胡杏兒手掌,她忍唔住當場爆喊,她並唔係因為痛,而係覺得自己已盡力,猩猩都一而再咬她。

喊晒

除了胡杏兒外,還有李宇春、倪妮都有份拍攝。

鍾意就快D Share啦!