掃呢頁CODE去手機

2015年2月19日 星期四

[壹週刊 - 1302] 後台宴客 阿倫開騷當團拜 阿倫,譚詠麟,M1,




演唱會沒有編排大型舞蹈,雖然只係扭兩扭, un兩下,阿倫亦搵排舞師 Sunny Wong教路。

探熱針

後台宴客 阿倫開騷當團拜

每年都要同歌迷紅館聚一聚的譚詠麟,慶祝入行 40年,演唱會由情人節直踩到農曆年,開足十三場,爆晒!

過年開騷,阿倫索性將紅館後台當成另一個家,甚至訂定齋菜、盆菜,招呼家人嘉賓,開騷當團拜!

要求加番握手位

年年廿五歲的譚詠麟,幾乎年年都在紅館開騷,以大家一齊開心為宗旨的他,今次事先張揚唔會減肥,唔跳舞,無壓力,更盡興。

「阿倫鍾意過年做騷有氣氛,有利是收又好意頭,不過佢唔會落袋,次次都係捐番出去做善事!」阿倫身邊人說。

上星期五(二月十三日),演唱會頭場,由於舞台是三面台設計,沒有握手環節,就算歌迷袋定利是入場都派唔到,阿倫唔想掃興,正力爭如何重置握手位。

撐校長四十周年,紅星空群而出,晚晚換;阿倫落台換衫,投射銀幕就播片,自己配埋旁白,自認唱得又食得更玩得。

嘉賓粒粒巨星,劉華、張學友、郭富城、五月天陸續有來。

今次演唱會無握手環節,阿倫在兩邊舞台唱歌時,觀眾企前爭取握手機會。

第一場就唱到過晒鐘要罰錢, 64歲阿倫相當落力。

後台大食會

講到食,阿倫一定唔會閘住,過年開騷,例必在後台準備一切,方便自己,同時招待入後台打招呼探班的好友。

「校長開演唱會,拉姑同老公鬍鬚 Kong一定捧場,今年阿仔(謝霆鋒)做其中一場嘉賓,佢講明要嚟多幾晚,拉姑同校長一樣,識食又識整,有次仲喺後台同大家食火鍋,為咗食好嘢,排除萬難。」一名工作人員說。

開騷變成老友團拜,不過去年考入英國牛津大學的寶貝仔譚曉風,並未打算返港撐老豆。

「邊有假!唔使返學咩?學業為重,演唱會佢睇番碟就得」阿倫說。

Eason做頭場嘉賓,陳裘大亦嚟捧場。

同阿倫老友鬼鬼的狄波拉,講明今次要睇多幾場。

提到兒子譚曉風,阿倫笑到四萬咁口。

鍾意就快D Share啦!