掃呢頁CODE去手機

2015年2月19日 星期四

[壹週刊 - 1302] 四期腸癌奇跡康復 鄺佐輝:欠老婆太多 M1,




一場病,正正給鄺佐輝與細他廿年的少妻感情考驗。一講到老婆的情深義重,鄺佐輝感動得緊抱對方,盡在不言中。

探熱針

四期腸癌奇跡康復 鄺佐輝:欠老婆太多

去年六月, 58歲再婚不久的鄺佐輝發現患有腸癌第四期,並擴散到肝臟要切肝保命。經歷半年艱辛化療,鄺佐輝奇跡康復。繼患血癌的梁潔華,又一個抗癌成功藝人。

回憶病在床上的點滴,尤其細他廿年的少妻衣不解帶照顧,硬淨抗癌的鄺佐輝也禁不住眼泛淚光:「我欠佢太多!」

執番條命,鄺佐輝最想盡快補影婚紗相,報答共患難的老婆仔。

癌細胞降至正常

再婚半年,鄺佐輝證實患癌,唯有咬緊牙關兩度做大手術,接住是為期半年的八次化療。捱過重重難關後,挨年近晚終於收到好消息,癌細胞指數由最高的七點幾降至穩定的三點多水平。

大步𨂾過,眼前的鄺佐輝精神抖擻,頭髮濃密。

「仲有兩次療程未做,要做到下個月先完晒。事前做定心理準備,會甩頭髮會嘔,預咗辛苦。點知我乜嘢副作用反應都冇,食得瞓得,冇甩頭髮,體重逐漸回升到出事前七十公斤,同病緊嗰段時間比,相差十公斤。醫生對我康復進度好滿意,癌細胞指數跌到三點幾。至於將來有冇機會復發我唔會諗,我好樂觀,今日打得贏呢場仗我已經賺咗。我阿媽知道個報告後,不知幾開心。」鄺佐輝說。

早前拖埋老婆捧他有份演出的福音電影首映禮,預計四月他可復工。



硬淨的鄺佐輝,講到對老婆生活上虧欠,忍不住眼泛淚光。



能成功抗癌,鄺佐輝話歸功老婆的悉心照顧。每朝鄺太陪他到公園踢毽、打羽毛球,強身健體。

梁潔華送補身偏方

跟他一樣走過抗癌路的梁潔華,在鄺佐輝打仗期間曾送他一條補身偏方,助他捱過難捱的化療。

「華女教我用花生『衣』煲蜜棗水,飲咗我都覺得身體冇咁唔舒服,之後先接受化療。」

一場病,令鄺佐輝看到跟他拍拖數月便結婚的老婆仔,原來是如此重情義。

「之前我接受廖安麗主持嘅《生前行動》訪問,講到感激老婆,都忍唔住喊咗幾次。我哋識咗冇耐就結婚,雙方其實仲用緊時間去了解,點知就……呢半年佢朝朝六點起身煮早餐我食,陪我去公園晨運,陪我去完醫院又要去買餸煮飯,為我頻頻撲撲,冇半句怨言。」鄺佐輝含住一泡眼淚。

患急性血癌康復的梁潔華,原來在抗癌期仍不忘為同路人鄺佐輝打氣,送他一條湯水偏方補身。

一眾好友包括劉錫賢見他康復現身朋友飯局,都替他開心。

數月前,未知自己能否打勝仗的鄺佐輝,對死亡冇忌諱,跟前妻所生的三個女兒交帶定後事。

唔想長期靠人資助

對妻子的感激,鄺佐輝無以名狀,一手擁住另一半。

「我欠佢太多,好番之後我會盡我能力,同佢去美加、澳洲、台灣旅行,補度蜜月同影婚紗相。我成日同老婆講,冇咗佢我唔知會係點樣。」聽到老公肺腑之言,鄺太在旁默不作聲,表現內斂。

與少妻患難見真情,也感受朋友雪中送炭的可貴,演藝人協會、藝進同學會及張衞健等多位藝人均向他予以經濟援助,令過去半年來不愁生活,安心養病。

「要感激嘅人太多。佢哋嘅幫助,可以讓我未來半年仍可輕鬆生活,但我都希望靠自己雙手搵食。香港衞視(深圳)班同事好好,一直等我歸隊,仲就住我身體狀況,每次只拍一集,做個幾鐘就收工。希望嚟緊四、五月可以復工。」鄺佐輝說。

跟死神擦身而過,鄺佐輝卻未有懼怕。現在的他唯一不願成為另一半的負擔,這也是他抗癌求存的動力。

陳芷菁代表演藝人協會身份,曾向鄺佐輝送上一張數萬元支票作經濟支援,讓他安心養病。

鄺佐輝亦感激曾到醫院探望他的朱慧敏。「佢之後仲請個推拿師上門幫我治療,佢好有心。」

康復後

患病時他瘦得只有 60公斤,康復後回升至 70公斤,精神飽滿。

患病時

與鄺佐輝同是天主教徒的張衞健,亦託人送上支票,助他渡難關。

大步𨂾過

生命無常!近年娛樂圈有不少藝人受到癌魔或慢性病長期困擾,但當中亦有很多勵志康復個案。

梁潔華

黃日華老婆梁潔華 14年發現患上急性血癌,患病期間要持續接受化療,因為冇遇到合適骨髓做移植手術,其間還要進行換血;直至最近,梁潔華開始步入康復期,只要繼續覆診,毋須再長期住院。

吳孟達

去年四月,吳孟達在河北石家莊拍劇期間傷風感冒,回港後突然心臟衰竭被送院,其間情況嚴重,要入 ICU接受治療,最後證實是細菌感染,引致心臟衰竭得番三成功能,雖然搶救成功,但自此要減少工作,專心休養。

張達明

12年 9月,張達明承認患鼻咽癌第二 B期,因接受化療令體內鉑金超標 63倍,引起中毒影響神經末梢,導致手腳麻痺,經過定期排毒後,現時體內的鉑金已經減半,活動能力也好轉。

鍾意就快D Share啦!