掃呢頁CODE去手機

2015年2月21日 星期六

場面好混亂!阮兆祥請市民食生果惹投訴 阮兆祥,




阮兆祥喺筲箕灣拍攝無綫節目《找數》請市民食生果,結果惹嚟投訴。

next 1/1 pre

祥仔之後接受電話訪問澄清絕對無走數。

next 1/1 pre

祥仔仲話覺得唔好意思,話唔能夠令每個人都愉快同開心。

next 1/1 pre

祥仔話希望下次做得更好。

next 1/1 pre

阮兆祥(祥仔)尋日喺筲箕灣拍攝無綫節目《找數》,打算話去該區請啲街坊食生果,結果係惹來投訴,《東網》收到讀者陳太報料話祥仔佢哋嚟到生果檔同街坊講「一千蚊之內找數」,搞到個個都翁晒去「搶」,結果立立亂,無晒秩序。陳太指雖然自己都有拎埋一份,不過最後個生果檔主同佢講話要畀咗錢先再問無綫拎番,因此陳太當機立斷放低走人,仲話揀揀吓生果連祥仔真人都唔見埋:「新年就唔應該玩嘢!」

澄清絕無走數

而節目主角「找數哥」祥仔接受電話訪問時就承認有造成混亂,話:「因為啲街坊太高興喇!我同佢哋講完一千蚊生果任攞之後我就上返車喇,等佢哋搞,到最後都用咗6000蚊埋單,比我哋個預算高出咗六倍,絕對無走數。」

不過祥仔都覺得唔好意思,因為佢唔能夠令每個人都愉快及開心:「我哋經已盡量做喇,秩序真係好難控制,我哋連埋個攝影師都係得五、六個人,咁我哋都係第一次做《找數》啫,希望下次可以做得更加好。」

鍾意就快D Share啦!