網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月25日 星期三

吳啟華失婚賭癮發作 過大海豪賭一晚輸晒 吳啟華,




【寄情賭博】吳啟華失婚賭癮發作 過大海豪賭一晚輸晒

2015-02-25 10:43:00



(資料圖片)(蘋果日報)

吳啟華早年結婚生女,婚後一直當好老公、好爸爸,可惜最終都係同細佢二十一年嘅內地藝人石洋子離婚收場,閒時愛賭兩手嘅吳啟華早喺2011年曾被爆喺澳門永利賭場嘅百家樂枱豪賭,上落注碼多達數十萬(新聞連結:http://bit.ly/1ze4nFK),今日又有周刊爆佢早前一個人「過大海」博殺,唔通真係「情場失意,賭場得意」?

該報道指失婚嘅吳啟華寄情賭博,近乎每個禮拜去澳門一次,報道表示早前佢、三哥苗僑偉、三嫂戚美珍同兩個女性朋友,先安頓好三嫂戚美珍後,吳啟華同苗僑偉去咗澳門永利酒店賭廳玩兩手,好熟悉架步嘅吳啟華,先拉苗僑偉去玩花旗骰,贏咗幾鋪,就轉去最低投注800蚊嘅百家樂枱,吳啟華見手風順,仲再轉1000蚊枱玩。

報道指由於賭客見賭廳出現明星,唔少人攞出手機影相,令苗僑偉開始覺得唔耐煩,玩咗唔夠一粒鐘,即冇癮咁黑晒面離開;反而吳啟華懶理身邊嘅人,留低繼續博殺,賭賭吓覺得未夠喉,吳啟華就自己轉場去附近嘅MGM酒店再賭,一坐就坐喺百家樂枱,手執幾萬蚊賭本,每鋪上落最少1000蚊,吳啟華每次睇牌都好肉緊,盡顯「賭仔本色」,開頭幾鋪都贏嘅。

不過玩咗一陣,手風就開始唔多順,連輸幾鋪後,吳啟華開始冇晒心機,不時用力「甩」牌,有時仲激動掟啤牌落賭枱,據知,賭足一晚嘅吳啟華,最尾連手頭嘅一戙1000蚊籌碼都輸清光。

該報道透露吳啟華出生賭博家族,約90歲嘅阿嫲當年賭番攤連過三關,結果心臟病喺賭枱過身,有指,吳啟華及哥哥吳啟明受其影響,亦愛間玩兩手,報道引述知情人士講,吳啟華自從個女出世後,已經好少去賭,不過失婚又再賭癮起,成日一支公過大海,有時仲玩足兩、三晚先返港,吳啟華又唔怕被人認到,就算坐大廳都照賭,多數換8至10萬籌碼,好多時都係輸多過贏。



平時都有同三哥、三嫂去玩。



失婚後,不時以踩單車為樂。



亦有北上拍劇搵銀!

鍾意就快D Share啦!