網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月28日 星期六

財困仲豪搞團拜派 志雲嘲亞視:荒天下之大謬 志雲,亞視,陳志雲,




財困仲豪搞團拜派 志雲嘲亞視:荒天下之大謬



其他影片:>>






財困照豪搞團拜 志雲嘲亞視:荒天下之大謬

【ATV告急之胡亂花費】

【亞視團拜】亞視欠債纍纍,二月份糧無着落,但昨仍堅持豪搞新春團拜,亞視藝人、特別嘉賓及現場傳媒有份參加總值五萬元的玉石抽獎,以及獲派一百元大利是。不過,有幕後員工埋怨有份捱冇份玩,酸溜溜說:「咪當搞私人團拜囉!」商台高層陳志雲昨日在商台團拜嘲亞視:「呢個係天下笑話,真係荒天下之大謬,點解政府仲唔去做嘢?」

新年新展望,香港各大電子傳媒機構近日陸續舉行新春團拜,昨日商台和新城分別在總台及黃埔搞團拜活動,但冇得食冇得玩。惟最近財困的亞視在中環一間餐廳大搞,昨日亞視執行董事葉家寶率眾高層及劉錫賢、袁潔儀等近二十位藝員,以及特別嘉賓魏秋樺、陳復生等出席,除獲餐廳贊助「迎春新撈起」、「發財好市」、「花膠椰皇燉雞」等美食,更有二十份、約總值五萬元的玉石贊助,現場近二十名記者都有份抽獎及獲派一百元開工大利是,可謂皆大歡喜。



■亞視一班藝員昨日移師中環一間餐廳舉行新春團拜。



■亞視好闊綽,葉家寶昨向現場記者派一百元大利是。



■袁潔儀抽中贊助的玉石禮物,興奮得與伍偉樂合照。



■劉錫賢(左)負責抽出玉石得獎者,九位藝人得獎,其他十一份落在記者手中。

監製:抽獎冇意思

不過有人質疑亞視今次是「充闊佬」,因為今日是亞視的出糧期,葉家寶透露能準時出糧機會好微,還被踢爆拖欠員工去年十二月及今年一月份的強積金。陳志雲昨在商台團拜上說:「對記者好,我哋永遠支持,但希望對員工都好。其實呢個係天下笑話,真係荒天下之大謬,點解政府仲唔去做嘢?」亞視幕後員工冇機會團年,擔任《星動亞洲》監製的潘康健昨在電話中說:「吓!唔知有,我哋坐晒喺度(公司餐廳)食飯都冇人知。噚日都有一百蚊開工利是,今年最多,上年好似得廿蚊。其實抽禮物冇乜意思,唔通送三十萬燈飾畀我擺返屋企咩?」問是否不開心?他說:「冇必要啦,咪當私人團拜囉。」而製作部員工阿文說:「公司有錢㗎,佢唔出畀我哋咋嘛!」另一名不願透露姓名的亞視員工謂:「冇公平可以講,以前冇一百咁多,但畀息都要如果真係處理唔到,寧願執咗佢,員工立場遣散攞錢最好,唔好再拖。」



■陳志雲在商台團拜時嘲亞視「呢個係天下笑話,真係荒天下之大謬!」

劉錫賢唔知冇供款

葉家寶昨透露除開工利是外,團拜所有開支均有贊助,否認充闊佬說:「冇,我哋同呢間餐廳用廣告對沖形式,所以唔影響出糧,玉石商之前都有贊助亞姐。雖然遲出糧,但都堅持畀一百蚊利是係寓意豐足。」為何幕後冇份出席?他解釋:「以往都係咁,但往年公司充裕啲,有搞盤菜宴,全公司都有份。」抽中玉石的蔡梓銘坦言擔心團拜聚餐是用出糧錢,他說:「相信公司安排,點都留番啲畀我哋。」劉錫賢和袁潔儀異口同聲表示不知公司未供強積金,劉錫賢苦笑說:「我哋啲血汗錢,希望快啲搞掂啦。」蔡國威則揶揄:「係咪隱藏一啲玄機?意味住公司有資金。」



製作部員工阿文

真實對白



亞視節目監製潘康健

真實對白

至於前亞姐黎燕珊昨在電話慨嘆說:「唔合法㗎喎,唉,總之不幸冇糧出好陰功,𠵱家水深火熱,仲派利是,好似唔係幾啱,但可能利是有人贊助呢?」六合彩之女周嘉莉亦說:「如果派利是啲錢,係用公司辛苦籌集番嚟嘅資金,咁樣花費就唔係咁好。」

另亞視未來仍有新節目推出,除朱慧珊和陳復生主持的《開門見珊》及《復興新生》節目外,助理副總裁冼偉智透露原本下月會有製作隊出發去北海道,可惜破冰船有問題,要延至五月出發。

採訪:王連連、嵐山、比華利、盧妹

攝影:仇志德、葉君海



■黎燕珊認為亞視拖糧仲派利是「唔係幾啱」。

資料圖片

【利是比拼】亞視派$100最豪

五大電子傳媒已舉行新春團拜,觀乎各大機構向前來採訪記者所派發的開工利是,竟是財困的亞視最豪爽!



鍾意就快D Share啦!


Related Posts Plugin for WordPress, Blogger...