掃呢頁CODE去手機

2015年2月10日 星期二

王晶大彈梁齊昕普通:唔會搵佢合作 梁齊昕,CY女,齊昕,王晶,




【CY女入行?】王晶大彈梁齊昕普通:唔會搵佢合作

2015-02-10 21:51:00



今晚電影《賭城風雲II》喺澳門舉行首映,王晶最近套戲《鴨王》勁多是非,尤其是女主角袁嘉敏,問王晶有冇搵袁嘉敏?佢話打過比佢但唔通,係咪換咗電話?佢就話「唔出奇」。

講到袁嘉敏話新片其實王晶只係想捧男主角Dominic,王晶就話:「其實幾個角色都有發揮,冇話捧邊個,如果係喺過海隊道整張大相呢啲先叫捧,不過佢都稱職恰如其分。」問片酬係咪比得少?王晶話:「唔少啦!」比咗20萬?佢話:「梗係唔止啦!」套片個監製話唔再同袁嘉敏合作?佢話個監製好少講嘢喎...咁王晶同佢會唔再合作?佢話:「如果啱嘅杜汶澤都可以再合作。」

問到王晶知唔知CY女梁齊昕入行?佢話:「佢係一個好普通嘅女仔,佢入行我都係睇報紙先知。」咁會唔會合作?王晶斬釘截鐵話:「唔會,我都話佢係一個好普通女仔咯。」點解呢?佢話:「要適合時機適合項目,佢咁普通,咁多靚女同好演員,唔會搵佢。」



(攝影:仇志德)



王晶話梁齊昕好普通,唔會搵佢合作。



洗米嫂

鍾意就快D Share啦!