掃呢頁CODE去手機

2015年2月10日 星期二

預攞梁齊昕螢幕初吻 李逸朗:只係打份工,做好本份! 梁齊昕,CY女,齊昕,李逸朗,




【喜劇床戲?】預攞梁齊昕螢幕初吻 李逸朗:只係打份工,做好本份!

2015-02-10 18:47:00



(採訪﹑攝影:溫敏芝﹑馬建華﹑沈健程)

早前「哭腔」唱《儍女》翻生嘅李逸朗(Don),被爆同CY女梁齊昕拍新戲,Don仲做男主角,李逸朗透過經理人表示今日下晝先知女主角係梁齊昕。

身穿白色西裝嘅李逸朗現身新戲記者會,並接受傳媒訪問,Don承認會同CY女開工,不過套戲要等到3月8日先開始拍攝。之前Don都睇過故事大綱,但就未見過女主角齊昕本人,只係喺網上見過對方,自己就連簽約前,都未知女主角係邊個,今日晏晝先知要同CY女齊昕合作。

被問知唔知呢套係咩類型嘅戲?Don講:「今日見過製片及編劇,知套片係喜劇,因為演男一先接拍,覺得劇情都幾好。」問及同梁齊昕合作有冇壓力?Don都認自己有啲小鹿亂撞,因為唔識對方,又冇睇過齊昕嘅作品,要同新人合作,佢都覺得好緊張。

被問係唔係因為齊昕係CY女先咁緊張,Don就話:「同老演員合作可以睇對方作品參考,不過諗過大家都係市民,娛樂圈又係娛樂大眾,合作都冇咩尷尬。」跟住阿Don仲自爆睇過故事大綱有「床戲」及「上床」嘅字眼,但Don解釋畢竟係喜劇,應該唔會係大家諗嘅肉搏場面。自稱拍咗12年戲嘅阿Don,演過同男女嘅床戲都演過。

咁話晒同齊昕演情侶,應該會攞咗齊昕嘅「螢幕初吻」,阿Don指:「應該會,只係打份工,做好本份,希望大家欣賞呢件事。」

有指齊昕好鍾意show off自己,阿Don就大讚好鍾意show off自己,先入到娛圈,好怕齊昕會好內向。問及會唔會教下齊昕唱《儍女》,Don講:「每個人都可以唱,因為係老少咸宜,阿Don仲形容《儍女》已經係世界名曲。



Don話應該會攞到齊昕「螢幕初吻」。



鍾意就快D Share啦!