掃呢頁CODE去手機

2015年2月4日 星期三

[FACE - 402] 撞破送上門 急 call救兵 洪永城唐詩詠偷情式熱戀 唐詩詠,洪永城,MF,




出席活動公開對唐詩詠有好感當晚(上月 27日),洪永城返回鯉景灣後發現記者,令原先約會女友大計冇望,速速轉 plan,兩人同時 call救兵做「分頭食」大龍鳳。

封面

撞破送上門 急 call救兵 洪永城唐詩詠偷情式熱戀

熱戀扮唔熟、拍拖扮分手、明明註咗冊就話「結婚一定會通知大家」,睇得多娛樂新聞,唔好話俾我知你仲信藝人把口!最近大話王又多一個洪永城,上年暑假開始同唐詩詠傳緋聞,爆響口話想追女方。你以為佢誠實?實情拍拖三個月、電視城內一早通晒天!

既然開咗個頭,惟有一個大話再冚另一個大話,上週女朋友一場嚟到洪家鯉景灣,明明係送上門撐枱腳,洪永城都因為怕被記者撞破,急 call朋友做大茄,一餐飯各自臨時臨急一個街頭一個街尾分開食。這麼遠那麼近,真係有情趣啲?








明顯情侶通常都係俾人踢爆在先,冇得唔認在後。有辦你睇,黃翠如同蕭正楠公開戀情後不知幾恩愛,仲唔多唔少幫到套定情大台劇收視。相反好兄弟洪永城就鍾意化簡為繁,明明去年八月已經傳拍拖、踏入熱戀期,日前至懶誠實公布要出力追求,把口 delay過事實成季!

扮睇餐牌

洪永城活動後先到鯉景灣蘇豪東,研究各餐廳餐牌之際,才發現記者蹤影。

誇張召 friend

嗰頭洪永城有男性友人應召陪食,呢頭遲十分鐘到鯉景灣的唐詩詠,亦惟有硬着頭皮坐入一間泰式餐廳,仲作勢揮手叫女友人陪食,誇張又假。

本來專攻西餐廳的洪永城,突然轉 plan,直入光猛日式飯堂內,一入座就一輪嘴似用手機通風報信兼 call同性友人救駕。

入座後一樣係忙打電話急召友人,十分鐘後女性友人到着,拍拖撐枱腳變 she she聚會。

大龍鳳

公開追求多約會多見面,反而借傳媒表白後,洪永城日日單身行動,唔敢約女友。

無論係追緊人定拍緊拖,約食餐飯仔又有幾閒。上週二( 27日),洪永城活動後返回鯉景灣住所,在樓下蘇豪東各式餐廳門口逐間研究餐牌,明顯係篩選餐廳約女朋友食餐好嘢。不過警覺性高過人、又怕戀情見光死,睇睇下西班牙菜、意大利菜,途中卻發現記者影蹤,最終走入日本餐廳,一坐低唔睇菜牌先,第一時間又打電話又寫短訊。

十分鐘後,男性友人應召出現,二十分鐘後,唐詩詠亦都現身。又話追求中、又話好朋友,邊個好朋友會經過食店連招呼都唔打個?家住將軍澳清水灣半島飛撲到鯉景灣,不過臨門一腳又係急 call應召女性友人,轉 plan走去食泰菜。為乜搞到一餐飯要食到一個街頭一個街尾?真係呢對情侶先至明。

經過扮睇唔到

家住將軍澳的唐詩詠近月經常被目睹在鯉景灣出入,而洪永城正住在蘇豪東餐廳區附近的鯉景灣。

相隔 20分鐘、晚飯時間出現在鯉景灣蘇豪東,不過一個食泰菜一個食和食,相隔僅僅三個鋪位。

愛的印記

一時話想追、一時又改口了解中,無論點講都好,洪永城係唔肯講事實。其實二人早於去年 8月已經傳撻着,到 11月正式行埋,仲有人證有物證添!

網上圖片

無綫姐仔小生開工例必一人一張摺椅跟身,唐詩詠把獨一無二的「蜘蛛俠」摺椅轉借男友洪永城使用,被《張保仔》工作人員現場踢爆。

網上圖片

單身多年的唐詩詠去年九月罕有地在網上晒收花,有指盒心型禮盒裝鮮花,係洪永城由香港空運到上海,給在當地拍攝《梟雄》的唐詩詠。

撈亂櫈

其實去年初拍《載得有情人》首次合作情侶,已經有傳 31歲洪永城放棄林夏薇,轉冧 33歲唐詩詠,八月仲被拍到同遊赤柱。

九月劇集出街、為宣傳日見夜見,兩人愈行愈埋;到十一月《張保仔》拍得如火如荼,更俾服裝阿姐發現冇份拍套劇,陪住洪永城開工的竟然係唐詩詠張御用摺椅。工作人員轉述洪永城死撐:「邊係啫!啲櫈張張都一樣!」可惜唔夠服裝阿姐眼利又企硬:「冇可能!呢張明明係唐詩詠嗰張!」自此洪永城與唐詩詠的情侶關係即成電視城熱話。

大龍鳳飯局後,洪永城在寓所附近接受本刊記者訪問,繼續笑騎騎死撐:「佢梗係好女仔,但係我哋無拍拖。」

據悉唐詩詠一向係千嬅粉絲, 26號晚千嬅演唱會,洪永城就帶埋女友一齊睇拍拖睇騷,還齊齊入後台合照集郵。

唐詩詠有新歡,舊愛崔建邦亦一樣有新女,早前本刊便發現戴住口罩的崔建邦跟𡃁模女友陳嘉莉拍拖!對於唐詩詠有新戀情,崔說:「如果係真當然恭喜,我都想佢開心。」

「儲 3000 like就公開」

緋聞一早開始傳、戀情又先行在大台見光,照計有幾個月適應期,公布戀情一啲無難度。勢估唔到洪永城唔等拍拖相曝光、本刊記者早前曾當面提問,洪例牌回應答:「唔係拍拖……佢去咗馬來西亞嘛!(你又知得咁清楚?)佢當然係好女仔啦,我哋係好朋友嚟!」

至上週二( 27日)見記者再先行自爆,不過唔係爆戀情:「我哋有共同話題、又一樣鍾意食嘢,我對佢有二、三百個 like,儲到二、三千個 like就公開。」呢頭表白完嗰頭有記者電話訪問佢即改口:「美麗的誤會呀,我係話大家了解中、唔係發展中!」即係點?去下停下,又再倒後退幾步,洪永城啲步伐好難捉摸喎!

食家精選

今年 31歲的洪永城外表純情,但其實係正牌食家,女友種類各式其適,連大台姐仔都逃唔過佢手指罅!

多年女友: Emily

擘腿對象: Bird

紅顏知己:黃翠如

大台前度:林夏薇

《蘋果日報》圖片

大話龍鳳排行榜

第一位 秘密結婚劉德華

都話呢個世界無聖人,連娛樂史上最好形象兼民間特首劉華都試過被揭隱瞞已婚。

電視畫面

結婚本來無錯,不過錯就錯在劉華成日掛喺口邊呢句呀嘛!

《蘋果日報》圖片

第二位 婚前生 B黃貫中

開口埋口話自己同女朋友朱茵係虔誠基督徒、沒有婚前性行為,不過 12年就先懷囡囡黃鶯再結婚。

網上圖片

朱茵懷孕時全港傳媒追問二人有冇偷步,阿 Paul喝罵「係唔係玩嘢」迴避問題。

網上圖片

第三位 純粹做戲王祖藍

大台台慶史上第一次玩求婚,祖藍跪地、亞男喊晒,但有冇人解釋到分秒必爭嘅台慶點解九點半黃金時段可以玩突發先?

網上圖片

驚喜過後,祖藍被踢爆一個月前已經去奧克蘭慶祝求婚成功,仲話唔係大龍鳳?

電視畫面

新人王 斷正唔認周子揚×何傲兒

講大話、做大龍鳳唔係一線藝人專利,大台新人周子揚同何傲兒熱戀兩星期後公布分手、分手兩星期後又拍拖首爾,至係龍鳳戲班最有前途接班人。

《蘋果日報》圖片

網上圖片

網上圖片

網上圖片

鍾意就快D Share啦!