掃呢頁CODE去手機

2015年2月18日 星期三

[FACE - 404] 萬能詩 已婚監製錫晒 得寵何雁詩騎住唐詩詠上 唐詩詠,何雁詩,MF,




拍劇 2個月已令 4個差唔多年紀嘅女仔 friend晒,嚟緊陳凱琳要去荷蘭拍新劇《殭》,其餘 3個仲話想跟埋去添!網上圖片

真面目

萬能詩 已婚監製錫晒 得寵何雁詩騎住唐詩詠上

嫌大台一班演員睇到悶,播出已有三星期的新劇《四個女仔三個 BAR》或者會有多啲新鮮感。《四》劇由三位港姐陳凱琳、劉佩玥、陳瀅和《超級巨聲》的何雁詩擔正,反而花旦唐詩詠要做陪襯!

播出三週以來,何雁詩暫時跑出,有網民讚她夠放夠活潑,加上何雁詩冧功了得,氹得掂監製陳維冠狂加戲份,戲份拍得住第一女主角陳凱琳之餘,亦已遠超唐詩詠,睇形勢何雁詩有望做今年飛躍女新人喎!







09年參加《超級巨聲》入行的何雁詩( Stephanie),雖然未有得獎,但活躍 Golf壇,曾於「香港職業高爾夫球協會」比賽中奪冠堅有實力。簽約大台後邊在理工大學修讀酒店及旅遊業管理,邊主持音樂節目,至 13年參演《食為奴》與幕前幕後混熟,近日播出的《四個女仔三個 BAR》更成為網友最愛萬能 key出位。

雖然唔係次次都同靚仔合作,但今次對手換嚟 52歲鄭子誠,仲有 kiss戲,相信唐詩詠自己都冇諗過!電視畫面

唐詩詠喺《四》劇中都係做律師,但戲份就俾 4個𡃁妹搶晒,一臉正經嘅佢仲明顯老咗幾年添!

缺席宣傳

網上圖片

細細粒何雁詩精乖伶俐,亦深得監製陳維冠歡心,成功獲加戲份。網上圖片

冧監製加戲份

《四》劇監製陳維冠去年睇過何雁詩在《食為奴》的演出後,已立即安排見面並決定《四》劇要加入她,原安排陳凱琳和唐詩詠為第一和第二女主角,但何雁詩入劇組後演出令監製更加刮目相看,加上其男仔頭性格極容易親近,於是戲份一加再加,出鏡率明顯已超過第二女主角唐詩詠。

據知四個女仔在拍攝期間已經常糖黐豆,但唐詩詠卻一直埋唔到堆,「監製要求佢 cool啲,叫佢唔好笑,所以詩詠喺現場好少嘢講。」知情人士說。陳維冠事後亦在訪問中說:「唐詩詠今次係仗義相助,因為我需要一個有演技、年紀唔大嘅演員。」

何 13年與同是「巨聲幫」的謝東閔拍拖,但去年底男方因太多異性喺身邊團團轉而分手。網上圖片

有米老豆

何爸爸係生意人,經常出差唔喺香港,令何雁詩有機會飛嚟飛去探老豆,順便遊埠。網上圖片

只有 22歲,但打 golf打咗 13年, 16歲已經攞埋香港冠軍。

擁千萬物業

21歲買樓

去年何雁詩以 850萬買入浪澄灣,雖然明知係屋企畀錢,但已經羨慕死人!

家境富裕的何雁詩仍與家人同住,但有一富爸爸撐腰,亦是家中獨女,只有 22歲的她已經置業。去年何雁詩以個人名義,八百多萬買入西九龍浪澄灣一單位,仍是學生的她成功「上車」。家境無憂,難怪佢明言終極目標係唱歌唱入紅館,拍大台劇?踏腳石啫!

新一代萬能 key

繼馬德鐘、家燕姐和吳若希都做過萬能 key後,最近網民就喺《四》劇入面搵到新一代萬能 key何雁詩,好多惡搞圖呀!

Key包青天

網上圖片

Key唐僧

網上圖片

Key球證

網上圖片

巨聲各行各路

09年第一屆《超級巨聲》,其實唔少成員都簽約大台做藝員,以下四位巨聲比賽時成績其實唔錯,可惜星運麻麻,𠵱家仲可以喺電視上見到佢哋嘅,不過要留心啲囉!

劉威煌

最終排名第五, 13年都仲有歌派吓台,自去年開始連影都無,原來閒時接吓大陸商演,賺吓人仔,香港消聲匿跡。

陳康健

第一屆《巨聲》比佢攞到第十名,成績其實高過許廷鏗!𠵱家跟祖藍搵食,《老表,你好 hea!》做乞衣,週六( 14日)亦有份幫祖藍做兄弟。

鄧小巧

最後排第六,香港無咩撈,返咗內地參加第三季《中國好聲音》,閒時開吓個人 live騷。

吳業坤

參加《巨聲 2》最終攞第五名,成績算係唔錯,但簽約大台後,局限於行行企企,或者喺台慶扮棋囉!

鍾意就快D Share啦!