掃呢頁CODE去手機

2015年2月25日 星期三

[FACE - 405] 遮住靚樣 賭王入院避流感 口罩超蓮高度戒備 賭王,何鴻燊,何超蓮,超蓮,MF,




超蓮掃貨全程戴住口罩,仲提醒埋身邊朋友一齊戴。

真面目

遮住靚樣 賭王入院避流感 口罩超蓮高度戒備

93歲賭王何鴻燊近日入住養和醫院,為避開變種甲型流感,幾房人輪流去醫院陪玩過新年,當然陪玩之餘,都要小心帶咗細菌入病房啦,常備口罩係必須。

上週六( 21日)年初三赤口,三房女何超蓮現身銅鑼灣辦年貨就小心奕奕,戴住口罩以防病毒入侵,染到病惹到爹哋就唔好啦,真係乖女!

新春佳節,賭王何鴻燊被安排入住養和醫院,有醫護人員照顧,做晒防菌措施,幾房人去拜年都安全得多。

超蓮同朋友買完嘢去到收銀處,即時戴番個口罩防流感。

超蓮、超雲、猷啟同媽咪陳婉珍到醫院向何鴻燊拜年後,超蓮在微博 po相,並寫下「家人的愛是全世界最暖的,我愛你們,還有最可愛的媽媽爸爸。」網上圖片

買$59底底

為預防感染流感,何家上上下下都好小心,好似超蓮上週六( 21日)同朋友喺銅鑼灣辦年貨兼濕平,就醒目戴上口罩喇。

超蓮首先同朋友喺世貿中心買底底,一次過買咗 5條$59內褲,不過唔係紅色喎,而去到收銀處,超蓮就開始戴口罩,仲提醒埋女伴一齊戴添!之後又去咗買曲奇,超蓮好乖巧咁打電話畀媽咪陳婉珍,問屋企人想食邊隻口味;買完曲奇,超蓮醒起要買鮑魚片,於是喺超市揀咗一盒鮑魚,然後由司機接送返屋企,超蓮全程都冇除低個口罩。雖然要遮住個靚樣,不過小心為上,超蓮安全第一呀!

去完醫院同爹哋拜年,超蓮在微博 po了與家人合照,表示在家過年實在太幸福!網上圖片

網上圖片

去到銅鑼灣,超蓮即刻入咗世貿買底底,揀咗幾條$59蚊底底過新年。

買完嘢超蓮由司機接載返屋企。

超蓮同男友吳克羣經常甜蜜拍拖,去年底曾一齊去 LA睇 NBA,可惜農曆新年陪唔到對方。台灣《蘋果日報》圖片

阿嬌攝時間

年卅晚,何超蓮未有同身處台灣的男友吳克羣度過,兩位好姊妹 G.E.M.同李蘊又唔喺香港,好彩有阿嬌鍾欣潼陪伴,當晚阿嬌帶埋超蓮去英皇老闆楊受成屋企拜早年,仲見到偶像容祖兒,唔使怕寂寞

阿嬌帶埋超蓮去拜年,仲同容祖兒齊齊合照添。網上圖片

原來超蓮除咗宇宙 G.E.M.同李蘊之外,同阿嬌都好 friend。網上圖片

阿 G.E.M.鄧紫棋要參與中央電視台的春晚,無暇陪超蓮;當晚她自彈自唱〈多遠都要在一起〉。網上圖片

網上圖片

另一好友李蘊亦忙於食團年飯而冷落超蓮,好彩超蓮多姊妹啫!網上圖片

鍾意就快D Share啦!