網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年2月25日 星期三

[FACE - 405] 乘虛而入 馮德倫睇唔實 彭于晏上海速攬舒淇 彭于晏,馮德倫,舒淇,MF,




男朋友仔唔喺身邊,鏡頭後 38歲舒淇俾 34歲弟弟彭于晏攬入懷,有幾冧?寫晒喺塊面度

真面目

乘虛而入 馮德倫睇唔實 彭于晏上海速攬舒淇

十七年前拍緊《美少年之戀》就話傳緋聞,傳到舊年上門玩貓、齊齊賀年,馮德倫同舒淇終於戀到浮出水面成為公開一對。不過咪以為歷史悠久、苦盡甘來就老定至得,娛樂圈遍地靚人,小心俾啲小鮮肉插隻腳埋嚟呀!

今個農曆新年,馮德倫跨年滯留美國拍美劇《 Badlands》,留低女朋友仔一個喺上海趕戲。十日十夜同彭于晏戲裡談情,戲外笑淫淫, 34歲小鮮肉彭于晏氹 38歲舒淇姐姐有一手,馮德倫今次旗逢敵手!

去年農曆新年,舒淇趕夜機返港會馮德倫賀歲,㷫烚烚禁室培慾 19粒鐘。呢支歌仔今年就冇得唱,馮德倫同老友吳彥祖身在美國拍美劇,舒淇趕住喺上海拍攝新戲《剩者為王》,然後返老家台灣陪家人度歲,大時大節都冇得見面,啱啱好另一緋聞男友彭于晏有位攝。

緋聞由拍《美少年之戀》傳起,馮德倫同舒淇 17年離離又合合,去年至見曙光合體賀年,今年又分隔兩地。《蘋果日報》圖片

女朋友仔身在台灣老家過年,馮德倫就勁玩勁影美劇《 Breaking Bad》 figure,「毒」到入骨。網上圖片

十日危情

改編自內地作家落落同名小說的《剩者為王》,顧名思義講剩女愛情故事,三位女主角之一的舒淇同「老相好」彭于晏又係做一對。夜媽媽又要喺上海近郊周浦影視基地趕戲,氣溫低,不過男女主角火花夠熾熱。埋位拍完談情戲,休息時間繼續難捨難離糖黐豆,高潮處更是旁若無人攬埋一嚿。兩人默契和話題更不限於片場之內,微博亦你影我、我影你日日鬥寃氣,完全當劇組人員透明。雖然話成套戲加埋只得十日戲份,不過要出事,十日已經夠有凸,馮德倫你緊張下好喎!

有仔甜笑

鏡頭前演情侶,鏡頭後舒淇同彭于晏都係同鄉兼老相識,特別啱嘴形更加似情侶。

等埋位時,舒淇自動埋彭于晏堆,兩人一黐埋話題無盡歡笑無盡。

冇仔唔識笑

有彭弟弟在身邊,荒山野嶺夜媽媽凍冰冰都笑騎騎,第二日移師市區拍住老戲骨潘虹,舒淇即刻笑唔出。

舒淇、彭于晏一向在微博多互動,合拍新戲更加變本加厲,每日互拍互讚互搭訕,寃氣到九成網友留言都話似有路。網上圖片

唔只有男朋友同彭弟弟錫住,仲有星爺撐,萬眾期待《西遊 2》,就算老闆娘趙薇自薦,星爺一樣堅持要用舒淇。網上圖片

孤獨精熊黛林

唔好以為片場似足大家庭,個個演員都似舒淇同彭于晏一樣打成一片!《剩者為王》三位女主角除咗舒淇,仲有熊黛林同內地演員郝蕾,舒淇唔只日日黐住彭于晏,仲識同郝蕾同其他工作人員互動,唯獨熊黛林,開鏡殺科都係得個熊公仔陪,連男朋友郭可頌都唔見蒲頭探下班,由頭孤獨到尾!

做完強國版《 Running Man》,熊黛林人氣急升,埋位前助手梳化加埋保安,排場仲勁過舒淇。

上海拍完戲再返埋老家南京過年,熊黛林都係搵胞兄陪睇戲,完全唔見新歡郭可頌蒲頭。網上圖片

人氣勁不過人緣就麻麻,熊黛林拍攝全程直到殺科都係攬住呢隻熊,同其他演員冇兩句。網上圖片

鍾意就快D Share啦!