網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月13日 星期五

葉家寶再撐黎燕珊 [忽然1周 - 1024] 葉家寶,黎燕珊,MW,



今年「仁美清敍」嘅春茗,除咗有今屆冠軍張軼珺(後排左二),仲有新舊亞姐同場,葉家寶亦名正言順帶埋公關撐場,果然識 do。

媽咪姐

葉家寶再撐黎燕珊

上星期,媽咪姐去咗「仁美清敍」嘅春茗,見到主席黎燕珊帶住一班亞姐師妹滿場飛,同場仲有應屆亞姐冠軍張軼珺,係顧問葉家寶(亞視執行董事)特登帶嚟撐場。唔怪之得話亞視同之前反晒面嘅「仁美清敍」破冰喇!

其實自從黎燕珊 3年前離開亞視後,已經冇新嘅亞姐加入「仁美清敍」。因為亞視主要投資者王征當日要「仁美」商業化,阿珊唔肯妥協兼走人,所以葉家寶過往兩年,都係用「顧問」身份獨自去撐場。依家王征嘅影響力……大大減弱,葉家寶即刻帶晒亞姐同公關嚟撐,好識走位呢!

我哋係 friend過打 band。(設計對白)

一直負責籌辦亞姐嘅葉家寶有名「亞姐之父」,同大師姐黎燕珊好熟,過往兩年因王征下令先帶唔到應屆亞姐撐場。如今破冰,飲得杯落咯!

雖然葉家寶係亞視嘅執行董事,出入有司機接送,但喺繁忙時間佢都會坐地鐵。果然能屈能伸,難怪可以喺非一般嘅亞視熬咁耐

睇你哋風騷得幾耐?(設計對白)

鍾意就快D Share啦!


Related Posts Plugin for WordPress, Blogger...