掃呢頁CODE去手機

2015年3月27日 星期五

男神冇喇 李敏鎬秀智愛出火 [忽然1周 - 1026] 李敏鎬,miss A,秀智,MW,



媽咪姐

男神冇喇 李敏鎬秀智愛出火

又一男神封盤喇!同金秀賢傳咗幾年緋聞嘅秀智 BB,喺周一( 23日)俾韓媒踢爆佢同「長腿 oppa」李敏鎬同遊歐洲斷正。件事爆出冇耐,佢哋雙方嘅公司好快就夾好咗,承認「戀愛中」。冇法李敏鎬喺法國巴黎開完工,就單拖坐火車轉去倫敦,仲租咗架 Benz接秀智 BB返酒店,之後嘅三日兩夜就冇見過佢哋出嚟。嘩!玩咁多日,真係想唔認都唔得









話時話,李敏鎬去完倫敦,轉返巴黎再回國,唞咗兩晚,喺周五( 20日)又飛嚟香港開佢首次嘅個人演唱會。佢落機嗰陣,心情靚到爆,但喺香港嗰幾日,佢都 keep住面腫腫,開騷又係咁咳,唱歌嗰陣把聲仲喉沙沙痰上頸咁。點解會搞到咁,終於明晒都係頻撲惹嘅禍。

3月中

李敏鎬去到英國,就租車會合喺當地影相嘅秀智 BB,之後坐車返酒店甜蜜約會。但話晒韓流依家喺世界各地咁 hit,佢哋分開落車之外,仲包實塊面,真係好驚俾人見到喎!

2月尾

李敏鎬喺韓國同秀智 BB約會,反而着得幾四正,冇蒙面,比起女友大方好多。

2月中

喺上月 18日,李敏鎬去三成洞接咗秀智 BB,經過清潭洞嗰陣,落車去咖啡店買外賣,之後再去首爾南山拍拖。

點都唔認

秀智 BB同盛駿喺《千年之戀》有唔少對手戲,好快就傳佢哋熱戀。喺 2013年 10月,仲影到佢哋搵咗個電燈膽,三人行約會。離開餐廳嗰陣,盛駿一手箍住秀智 BB條頸攬住佢,手臂仲掂到 BB個胸㖭。不過當時知名度唔高嘅盛駿,被秀智嘅公司形容為「好朋友」,否認戀情。

見光即分

李敏鎬曾經承認過嘅女友,只得朴敏英。佢哋拍完《城市獵人》後,喺 2011年 8月就俾韓媒影到約會。食完飯後,李敏鎬仲送女友返屋企。但戀情爆出未夠半年,佢哋就宣布分手。

鍾意就快D Share啦!