掃呢頁CODE去手機

2015年3月27日 星期五

洪永城底花 唐詩詠未睇定 [忽然1周 - 1026] 唐詩詠,洪永城,MW,



31歲嘅洪永城細唐詩詠兩年,一向貪玩。不過上年拍《載得有情人》,俾同劇嘅唐詩詠電暈。今年佢發力狂追,仲經常自發喺網上報到。

媽咪姐

洪永城底花 唐詩詠未睇定

好嘢梗係多人爭!唐詩詠自從「逃出」偷食成癮嘅崔建邦魔掌後,好多大台小生飛撲獻殷勤,不過就以洪永城表現最積極兼有心。啱啱就有報道話佢哋終於拍拖㖭!







不過呢,媽咪姐收到風,唐詩詠個心仲係有啲十五十六,事關洪永城之前個底實在太花。入行以嚟,同唔少圈內外靚女都 keep住緊密聯繫,去親外地拍嘢,仲好細心咁買小禮物俾呢啲紅顏知己。所以受過愛情重傷嘅唐詩詠,直至依家都唔肯承認男方地位,就算喺微博同 ig post相都無洪生份,反而自稱係「契哥」嘅馬明成日坐正隔籬。有唔少網友仲叫唐詩詠考慮吓呢個大台筍盤㖭!洪生,睇嚟你要乖啲出力啲箍實詩詠 BB嘞。

馬明仲有機會

呢次唐詩詠好小心,除咗堅持同洪永城係「朋友」,亦無 post過對方嘅相喺個人微博,反而 post咗大台筍盤馬明 BB、煎 Pan同佢 happy gathering嘅相。網民仲各有所好㖭!

鍾意就快D Share啦!