掃呢頁CODE去手機

2015年3月27日 星期五

恃有老公撐「小樓」告枕頭狀恰記者 [忽然1周 - 1026] MW,



插圖: Wendy

揞名爆

恃有老公撐「小樓」告枕頭狀恰記者

有啲靚太 friend成日同媽咪姐講,話做娛樂記者真係好!有免費騷睇,又日日見到明星乜乜乜。其實邊有表面咁簡單!好多時要受氣㗎。

好似電視小花「小樓」咁,喺電視台撈極唔起,但後尾嫁咗俾都算半個圈中人嘅有米老公,即時囂張晒!事關阿有米老公同唔少傳媒高層熟,「小樓」又自覺靚到天上有地下無,又鍾意出吓鏡,但每次見報道出嚟啲相,就例牌話人影得佢唔靚,跟住告枕頭狀,要老公向傳媒高層投訴乜乜乜。

咁,咪即係難為一班被迫幫佢報道嘅小記者囉!做又要俾人插、唔做又唔得,陰功豬到爆呀。 Btw,查實心善則美,「小樓」小姐不如俾啲心機積番啲口德同陰德,個樣應該會有啲改善㗎,阿們!

邊個係「小樓」?

1.選美冠軍㗎!但唔覺靚囉。

2.拍過吓劇,做過主持咁啦。

鍾意就快D Share啦!