全城熱爆的娛樂八封新聞 & 時事趣聞 & 生活 + 趣聞
發哥發嫂情侶裝出席慶功宴，發嫂仲抽到現金獎，旺到落腳趾尾。
上星期六（二月二十八日），總票房衝向十億嘅賀歲片《賭城風雲 II》喺金鐘香格里拉酒店搞慶功，喺內地開行 turbo，去到第二週，即使有《超能陸戰隊》上畫，票房仲係企得好硬淨，投資方開心到擺咗三十圍慰勞幕前幕後，仲掟咗接近八十萬現金出嚟抽獎。
開硬第三集！二五話投資一定會再加碼，今次仲有意去歐洲拍外景，不過因為男主角發哥有幾部戲撞埋一齊，要睇吓啲期夾唔夾到。截至星期日（三月一日），《賭城 II》上映十二日，內地票房累積收超過七億，已經打入中國史上十大華語片紀錄。發哥愈 fit愈旺，仲有發嫂，抽完 iPhone又抽到 cash，飽囉！
發哥同張家輝雙帝出擊，電影上畫十二日，內地已收過七億人仔。大條道理加片酬，哈！
《賭城 II》收得，一班投資者包括博納嘅于冬（右四）、太陽娛樂嘅唐才智（右二）、星王朝嘅王晶，決定加碼開第三集。
