梁朝偉終於出關 [壹週刊 - 1304] 梁朝偉,朝偉,M1,

一身運動裝束嘅偉仔，自己揸車落中環，買完嘢，要行到出去舊天星碼頭附近攞車。

同你吟一吟

梁朝偉終於出關

早排去咗印度靈修嘅梁朝偉，專登喺情人節前趕到返香港，同老婆劉嘉玲慶祝再過埋年。兩公婆今年唔去滑雪避年，因為嘉玲要做賀歲片宣傳，過年前仲要撲返內地一轉，做春節活動。

新正頭 hea咗幾日，上個禮拜尾， non stop嘅嘉玲連《賭城 II》個慶功都冇蒲頭，就飛咗去上海，跟住再去埋北京。

老婆唔喺香港，鍾意獨來獨往嘅偉仔自得其樂。晨咁早起身跑山，下晝出街買啲嘢，夜晚有心情就約啲 friend開飯。不過二五話偉仔個悠長假期差不多放完，嚟緊佢會為新片埋位。拍完王家衞部《一代宗師》，要用超過兩年時間回氣，好在王導唔多產咋！

又帽又口罩，遮冚嘅偉仔開車前同《壹》仔揮手講新年快樂。

《一代宗師》由籌備到上畫，花過十年時間，打破王家衞「慢拍」紀錄，男主角梁朝偉事後要放假超過兩年先回到氣。

鍾意就快D Share啦！

下一篇 》