熱爆娛樂: 人母預演　周汶錡幫靚靚教魔童 [壹週刊 - 1305] 魔童,袁詠儀,靚靚,周汶錡,王維基,M1,

2015年3月12日星期四

人母預演　周汶錡幫靚靚教魔童 [壹週刊 - 1305] 魔童,袁詠儀,靚靚,周汶錡,王維基,M1,

3月 7日

潮爆人母現身

探熱針

人母預演　周汶錡幫靚靚教魔童

四張周汶錡（ Kathy） 12年與法籍老公 Julien拉埋天窗後，上月返法國度假時，發放佗住五個月肚比堅尼照。在此前，原來 Kathy經常自薦做「人母」，並親自「收服」好姊妹袁詠儀寶貝仔，令魔童更聽媽咪話。

唔似五個月肚

上週六（三月七日）晚，周汶錡旗下的美容公司「 Megeve Beauty and Medical Center」在銅鑼灣西苑舉行春茗，好友上山詩鈉、代言人關楚耀以及大隻模趙勁皓應邀出席；接近七點，手挽 HERMES袋，短褲長靴型女打扮的周汶錡，跟老公孖住到。

「開咗五圍枱， Kathy一嚟到就派利是，不過如果唔講，真係唔會知佢原來有咗五個月，因為望落去仲係好弗。」有份出席的員工說。

Chilam跟靚靚間唔中會帶魔童出席朋友聚會。

Julien半場有事離開，留低老婆跟員工繼續食飯。

上月，周汶錡經公關發相，宣布有餡五個月，腹部微隆，身形依然弗爆。

圓老公心願

原本無考慮生的周汶錡，其實對小朋友十分「厭惡」，就算到內地山區參與慈善探訪，她亦擺明車馬，表示自己不喜歡小孩，甚至提出提早離隊。

「結婚之後，佢都冇想過要 BB，不過 Julien好鍾意小朋友，想快啲做爹哋，為咗老公， Kathy先改變諗法。有咗之後，佢都好注意自己身體，到而家都只係重咗唔夠十磅，個肚似有個小肚腩咁，不過佢唔係唔食嘢，只係揀有營養嘅嚟食，佢好識照顧自己。」知情者說。

有個十七歲女的上山詩鈉，跟老友周汶錡同樣注重外表， keep得好弗。

關楚耀是周汶錡美容院代言人，當晚坐到最尾先走人。

趙勁皓跟周汶錡同屬「模界」，當晚也被邀出席春茗。

五個月前，二人在布吉度假，在陽光與海灘的優美環境下果然造人成功。

口硬心軟

受到另一半影響，婚後的周汶錡慢慢開始改變對小朋友的睇法，有次見老死袁詠儀兒子魔童扭計，她更親自出手，幫靚靚教仔。

「 Kathy叫靚靚行開陣，等佢教！ Kathy好惡咁『曞』魔童一眼，魔童即刻唔敢再扭計。佢話對小朋友可以好狠心，如果有其他父母做唔出，可以搵佢幫手。仲話有招撒手鐧，就係鎖啲唔聽話嘅細路喺露台，等佢吹一晚風，之後一定乖晒。不過 Kathy都係口硬心軟，未必出到手。」知情者說。

公司春茗當晚，佗住五個月的周汶錡坐足三粒鐘，由於老公半場已離開，大肚婆由朋友送出門口。

問她佗仔定女？周汶錡未有回應，只有入𨋢前跟記者揮手 say bye。