掃呢頁CODE去手機

2015年3月12日 星期四

重踏舞台 拍何韻詩出戰音樂節 黃秋生:我係樂壇呻吟 [壹週刊 - 1305] 秋生,何韻詩,黃秋生,M1,



咪睇黃秋生個樣好似好淡定,查實為月底出戰音樂驚到震。

探熱針

重踏舞台 拍何韻詩出戰音樂節 黃秋生:我係樂壇呻吟

五十四歲黃秋生,去年因發表對佔中睇法而傳遭內地封殺。出過唱片,又攞過樂壇新人獎嘅黃 sir,封咪十二年後決定重返樂壇「小解」,月底將出戰台灣音樂節,海峽兩岸,跳來跳去。

黃秋生演技信心爆棚,但賣聲就驚驚,強調今次純粹呻吟!

隊酒壯膽

去年底,黃秋生睇完新城勁爆頒獎禮即爆 seed,狠批一班歌手走晒音嚇×死人,似去搗亂多過唱歌。唔想得把口話人,出過三張唱片,封咪十二年的他,應邀出席三月底在台灣舉行的音樂會「大港開唱」,跟來自中、港、台、日等地歌手切磋。代表香港的除了黃秋生,還有將在台灣開個唱的何韻詩及黃耀明。

唔可以失禮!上週五(三月六日),黃秋生「柄」埋 band房攞住結他練歌。過往喜歡咆哮諷刺時弊唱粗口歌的他,竟揭住本似霉菜般的私伙歌譜,一口氣唱出《這一個夜》、《海闊天空》及英文歌《 Stand By Me》等,又彈結他又打非洲鼓,展示食力!

要賣唱功,黃秋生始終唔敢認叻!至於心情如何?他說:「好緊張!」即使身經百戰,將重踏舞台的他練到中途,隊杯威士忌放鬆。對早前狠批歌手,黃秋生笑笑口講唔後悔:「我係樂壇呻吟,冇問題,鍾意噏乜就噏乜!」

彈得、唱得仲打埋鼓,音樂細胞不遜於演戲。

練歌當日,黃秋生帶埋本揭到霉菜一樣嘅私家歌譜到場。

除咗黃秋生,將在台灣開個唱嘅何韻詩都有份出席音樂節。

驚到震想縮

因為嫌練歌時間唔夠,黃秋生一度諗過縮。

「諗諗吓想唔去,驚出醜。尤其聽完其他參加歌手嘅實力,真係對自己冇乜信心。(點解當初又答應?)我成日話唔去,係 Edmond(音樂拍檔)要我去。好驚呀,唔想幾十歲人丟架。」黃秋生說。

出征台灣音樂會,黃秋生否認是為日後再戰樂壇鋪定路。

「歌咩手?無時間寫歌,同埋而家仲邊有人出碟,冇人買。我係樂壇新人,呻吓吟啫!班歌手唱歌為搵食,我就係嚟混吉!當年出碟都係混吉嘅,所以有條傻佬幫我出咗兩隻碟之後,到第三隻自己俾錢出,蝕咗廿萬,哈哈!」黃秋生說。

愈練愈驚,秋生要飲杯威士尼壯膽。

01年,擔任劉德華個唱嘉賓嘅黃秋生,為騷 quail二胡都拉埋。

11年盧凱彤都參與台灣舉行的「大港開唱」音樂節,每年該音樂會均雲集台、中、港及日本等搖滾與流行歌手演出。

去年底秋生在網上狠批香港新一代歌手,唯獨糖妹執身彩,俾佢力讚。

揮低陳曉東

貴為兩屆金像影帝的黃秋生,唱歌成績都唔失禮。 95年至 02年出過三張唱片,於 95年商台叱咤頒獎禮奪樂壇生力軍男歌手金獎,揮低大熱偶像,獲銀獎的陳曉東及銅獎的陳建穎。

陳曉東

陳建穎

02年佢推出第三張碟《 Bad taste》,拿樂壇偶像封面玩二次創作。抵死嘅佢以「爆呔版」同「爆腩版」扮陳曉東及郭富城。

鍾意就快D Share啦!