網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年3月26日 星期四

姣精 當楊怡冇到 蔡思貝幫羅仲謙扣皮帶 [壹週刊 - 1307] 蔡思貝,羅仲謙,楊怡,M1,



新一代姣精蔡思貝拍《衝線》時,嗒完周志文,再當眾幫羅仲謙扣皮帶。

探熱針

姣精 當楊怡冇到 蔡思貝幫羅仲謙扣皮帶

被形容為新一代姣精的蔡思貝( Sisley),去年選完港姐後即被大台力捧,更有機會在新劇《衝線》中擔大旗做女主角;自恃鬼妹仔性格的她,拍《衝》劇期間嗒完「巨聲大孖」周志文,再打羅仲謙主意,主動「抄牌」約食飯,更當街當巷郁手幫對方扣皮帶,唔怕醜,更加唔放楊怡在眼內!

鍾意集郵的蔡思貝,經常捉住羅仲謙玩自拍。

本週一(三月二十三日),蔡思貝跟楊怡同場出席「影視博覽」,兩人顯得分外尷尬。

唔怕醜

發電廠蔡思貝入行只得一年,但緋聞名單頻頻更新,跟她合作過的鄭俊弘、周志文、麥秋成、沈震軒等,一律觸電。拍新劇《衝線》時,連名草有主的羅仲謙亦唔放過,明知對方有大個花旦女友,亦照放電,冇驚過!

「 Sisley恃住自己新,好鍾意詐傻扮懵,乜都捉住謙仔問一餐,有次埋位前仲無啦啦伸隻手去幫謙仔扣皮帶,現場個個睇住晒,佢都唔怕,反而謙仔就尷尷尬尬。」一名劇組工作人員透露。

姣功了得的蔡思貝亦出名白鴿眼,對住監製、小生黐得就黐,但對其他幕後工作人員,就表現臭寸。

「佢好叻㗎!會揀人嚟黐,淨係黐啲監製同男演員,好識做好識氹人,但對住啲 crew,佢覺得冇利用價值嗰啲就好寸好冇禮貌,人哋遞嘢俾佢,佢可以唔該都冇句,望都唔望。」

換衫收工,蔡思貝(箭嘴)在公司車上,同羅仲謙傾到雞啄唔斷。

導演教走位,蔡思貝繑埋手一臉唔耐煩。

等埋位等得耐,蔡思貝發脾氣踎在路邊黑面。

唔使埋位,蔡思貝主動上前同羅仲謙打牙骹,笑到見牙唔見眼。

鬥假

去年,蔡思貝屈居陳凱琳( Grace)之下只得亞軍,眼見公司亦較器重宿敵,更加唔忿氣,實行「開咪」四圍唱對方「世界女」。

「 Sisley覺得自己冇嘢輸俾 Grace,咪成日話自己唔夠人哋咁世界女,冇人咁進取;不過 Grace都唔弱,佢知 Sisley喺外面係咁唱佢,但見到面兩個繼續攬頭攬頸,都好假。」知情者說。

同陳凱琳由參選時已開始惡鬥,蔡思貝更四圍唱對方世界女。

劇集到台北取景時,蔡思貝被拍得同「巨聲大孖」周志文拖手仔。

第一次擔正,蔡思貝搏到盡,谷胸搶鏡。

鍾意就快D Share啦!