2015年3月26日 星期四

被嘲三個老豆 童童拒簽謝霆鋒 [壹週刊 - 1307] 霆鋒,竇靖童,童童,謝霆鋒,M1,



探熱針

被嘲三個老豆 童童拒簽謝霆鋒

去年九月與王菲世紀復合的謝霆鋒,見女友大女竇靖童遺傳了媽咪靚聲與歌唱天分,亦有意加入樂壇,於是見獵心喜,密謀將童童羅致旗下,打造第二個王菲,甚至搵埋阿菲幫口。以為近水樓台,食硬!可惜「鋒菲」復合後,王菲屢被張栢芝粉絲網上攻擊,童童亦受牽連,被嘲笑有三個老豆,不想自己的事業同哎吔老豆拉上關係,童童一口拒絕霆鋒,選擇落筆簽約王菲經理人陳家瑛兩年,正式進軍樂壇。

媽咪力撐

今年一月才滿十八歲的竇靖童,兩年多前首度在網上公開自彈自唱原創作品《 With You》後,即被讚聲音媲美天后媽咪王菲,自此,童童持續在網上發聲,並獲一致好評。

「其實童童細細個已經好鍾意唱歌,嗰時阿菲都無諗過佢大個之後會做歌手,直至童童喺網上公開自己作品,先知佢對唱歌一直都咁有興趣。阿菲知道童童好想做自己嘅音樂,都俾咗好多鼓勵個女。」王菲友人說。

分手十一年,霆鋒與王菲再續前緣,原來亦同兩個女兒有關。

「兩年前,嗰時仲未同李亞鵬離婚,阿菲想將兩個女嘅成長片段拍成片,趙薇提議搵『 PO朝霆』做製作,霆鋒對呢個 project好緊張,事事親自接頭,阿菲講咗好多兩個女嘅嘢,嗰時童童正值反叛期,性格似足𡃁仔年代嘅霆鋒,所以好有共鳴,分開十一年兩個人再聯絡,竟然一啲生疏感覺都冇。」

王菲霆鋒復合,栢芝粉絲在童童微博不斷留言攻擊。

霆鋒搵王菲幫口游說童童簽約加盟,但最終殺出程咬金陳家瑛,霆鋒無行。

霆鋒想將童童收歸自己開的經理人公司,並拉攏簽約英皇,可惜計劃未能成事。

繼承王菲

去年三月,仍未與王菲正式復合的霆鋒,已一直有關注童童的音樂作品,早有打算將她羅致旗下。

「霆鋒成立『 PO朝霆』後,一路好想簽新人,只係遇唔到佢認為有潛質嘅人選,直至見到童童擺歌上網,霆鋒覺得佢除咗把聲靚,仲好有音樂天份,又識得寫歌玩樂器,認為佢可以做第二個王菲。」

早在二○○○年,鋒菲首度撻着,當時得三歲的童童已跟霆鋒相處過,對於媽咪今次跟對方復合,童童亦未有抗拒。

小時候被指似竇唯的童童,近年清瘦不少亦多咗少女味!

○一年第一次撻着,王菲帶住四歲童童與霆鋒由北京返港。

○五年,王菲與李亞鵬再婚,三人行十分開心。

簽約 Katie後,有指童童會與王菲及 Eason合唱,樂迷肯定非常期待。

無得逼

不過,當鋒菲翻撻曝光後,王菲的微博至今不斷受到張栢芝粉絲攻擊,就連童童亦無辜被牽連在內,不停被揶揄有三個老豆。

雖然童童遺傳了媽咪我行我素性格,但對於自己未來的歌唱事業,她有自己想法,更加不願與哎吔老豆扯上關係,於是一口拒絕霆鋒的好意。

「對呢啲尖酸刻薄嘅留言,童童其實唔會上心,但如果啲是非沒完沒了,就會令外界忽略佢做嘅音樂,所以就算霆鋒叫阿菲幫口,童童都唔應承,阿菲知個女唔逼得,俾童童自己做番決定。」知情者說。

在美國完成高中課程後,童童已返回北京居住,早前亦已動筆簽約陳家瑛兩年,將於今年推出個人唱片,全身加入樂壇發展。

童童遺傳了媽咪靚聲,今年將進軍樂壇。

王菲經理人陳家瑛,不時幫阿菲湊女,可謂睇住童童大。

湊住兩個仔的栢芝不時失控,近日就被向華強狂轟工作態度差,揚言永不錄用。

好聲音

97年,戀上竇唯的王菲,在事業高峰期誕下女兒竇靖童,意指竇唯與王靖雯(王菲藝名)的愛情結晶;童童一歲時,已在王菲《唱游》大碟內《童》一曲初試啼聲; 99年王菲與竇唯離婚,童童在媽咪的《只愛陌生人》中再獻聲一句「 Come on, baby」。

10年 8月,李亞鵬帶領嫣然天使基金「天使之旅」醫療隊探訪赤峰達里諾爾鎮學校,並安排當時只有 13歲的童童上台獻唱,歌聲一鳴驚人!愛好音樂的童童,在初中參加了學校的合唱團和管弦樂隊,正式接觸音樂。

12年 12月 13日, 15歲的童童在網上發布自己第一首原創作品《 With You》,翌年初再在網上晒新歌《 On The Beach》,素顏自彈自唱,歌曲迅速在網上流傳,網民紛紛留言讚好,指她遺傳了媽咪天籟之聲,就連王菲亦在微博轉發留言讚:「還挺能演。」

鍾意就快D Share啦!
Related Posts Plugin for WordPress, Blogger...